Kotticode - கொற்றிகோடு

களியக்காவிளை அருகே லஞ்சம் வாங்கிய தாசில்தார் கைது

2012-03-23T18:45:00.000+05:30

களியக்காவிளையை அடுத்த அதங்கோடு காக்க தூக்கி பகுதியை சேர்ந்தவர் ராஜன்(வயது48). லாரி வைத்து மணல் வியாபாரம் செய்து வருகிறார். கடந்த 4 நாட்களுக்கு முன்பு அப்பகுதியை சேர்ந்த முன்னாள் ராணுவ வீரர் சுனில் என்பவருக்கு வீடு கட்டு வதற்காக 2 லாரிகளில் மணல் கொண்டு சென்றார். வீட்டு அருகே மணலை இறக்கி கொண்டிருந்த போது விளவங்கோடு தாசில்தார் சாம்செல்வின் ஜோஸ்வா அங்கு வந்தார். அவர் ராஜனிடம் மணலை இப்போது இங்கு இறக்கி விட்டு பின்னர் கேரளாவுக்கு கடத்த பார்க்கிறாயா? என கூறி லாரிகளை பறிமுதல் செய்ய முயன்றார்.

தாசில்தார் சாம்செல்வின் ஜோஸ்வா

அதற்கு ராஜன் வீடு கட்டு வதற்காக மணல் கொண்டு வந்தததை கூறி அதற்கான ஆவணங்களை காட்டினார். அதை கண்டுகொள்ளாத தாசில்தார் சாம்செல்வின் ஜோஸ்வா 2 லாரிகளையும் பறிமுதல் செய்து குழித்துறையில் உள்ள விளவங்கோடு தாலுகா அலுவலகத்திற்கு கொண்டு சென்றார்.

இதையடுத்து ராஜன் தாலுகா அலுவலகம் சென்று தமது லாரிகளை விடுவிக்கு மாறு கேட்டார். அதற்கு தாசில்தார் லாரிகளை விடுவிக்க வேண்டுமென்றால் ரூ.10 ஆயிரம் லஞ்சம் தர வேண்டும், தொடர்ந்து மணல் வியாபாரம் செய்ய வேண்டும் என்றால் மாதம் ரூ.25 ஆயிரம் தர வேண்டும் என்று கூறி உள்ளார்.

இதைக்கேட்டு அதிர்ச்சிய டைந்த ராஜன் இதுகுறித்து லஞ்ச ஒழிப்பு டி.எஸ்.பி. சுந்தர்ராஜனிடம் புகார் செய்தார். லஞ்சம் கேட்ட தாசில்தாரை கையும், களவுமாக பிடிக்க முடிவு செய்த லஞ்ச ஒழிப்பு போலீசார் ரசாயனம் தடவிய ரூ.10 ஆயிரத்தை ராஜனிடம் கொடுத்து தாசில்தாரிடம் கொடுக்குமாறு கூறினர்.

நேற்று மாலை 6 மணி அளவில் லஞ்ச ஒழிப்பு போலீசார் கொடுத்த பணத்துடன் ராஜன் தாலுகா அலுவலகம் சென்று பணம் கொண்டு வந்திருப்பதாக தாசில்தாருக்கு போன் செய்தார். அவர் அருகில் உள்ள குடியிருப்புக்கு வந்து பணத்தை கொடுக்குமாறு கூறினார்.

அதன்படி ராஜன் தாசில்தார் வீட்டுக்கு சென்று லஞ்ச பணத்தை கொடுத்தார். அப்போது மறைந்திருந்த லஞ்ச ஒழிப்பு போலீசார் தாசில்தார் சாம்செல்வின் ஜோஸ்வாவை கையும், களவுமாக மடக்கிப் பிடித்து கைது செய்தனர்.
அவரிடம் இரவு 10 மணி வரை போலீசார் தீவிரமாக விசாரித்தனர்.

பின்னர் ராஜாக்கமங்கலம் வைராகுடியிருப்பில் உள்ள தாசில்தாரின் வீட்டிலும் லஞ்ச ஒழிப்பு போலீசார் சோதனை நடத்தினர். இரவு 11 மணி முதல் 12 மணி வரை சோதனை நடந்தது. கைதான தாசில்தார் சாம் செல்வின்ஜோஸ்வா இன்று நாகர்கோவில் முதன்மை குற்றவியல் நீதிமன்றத்தில் ஆஜர்படுத்தப்பட்டு நாகர்கோவில் ஜெயிலில் அடைக்கப்பட்டார்.

நன்றி :மாலை மலர்

எல்லா ஆண்டுகளை விட வித்தியாசமாக நடை பெற்ற மகிழ்ச்சி விழா

2012-01-02T22:31:00.001+05:30

எல்லா ஆண்டுகளை போல் இல்லாமல் கடந்த ஆண்டுகளை விட மேலும் மேலும் மெருகேறி புது பொலிவுடன் இந்த ஆண்டு கொற்றிகோடு லக்கி ஸ்டார் ஸ்போர்ட்ஸ் கிளப் ஆண்டு நிறைவு விழா இனிதே நடந்தேறியது.

இந்த ஆண்டு மூன்று நாட்களாக விளையாட்டு போட்டிகள் நடந்தன கடைசி நாளில் பொதுக் கூட்டமும் பரிசு வழங்கலும் நடைபெற்றது. 30-12-2011 அன்று காலையில் துவங்கிய கைப்பந்து போட்டியானது மாலை ஐந்து மணிக்கு முடிவடைந்தது. இந்த போட்டியில் பன்னிரண்டு அணிகள் பங்கேற்றன இதில் முதல் பரிசை திருவிதாங்கோடு அணியும் இரண்டாம் பரிசை வெள்ளிகோடு அணியும் பரிசுகளை வென்றன. 31-12-2011காலை ஏழு மணிக்கு கொற்றிகோடு சி எஸ் ஐ ஆலயத்தின் முன்பு அணையா விளக்கு ஒட்டம் துவங்கியது. இந்த அணையா விளக்கு ஓட்டத்தை பத்மநாபபுரம் சட்ட மன்ற உறுப்பினர் புஷ்ப லீலா ஆல்பன் அவர்கள் துவங்கி வைத்தார்கள் இந்த ஓட்டமானது குமாரபுரம், சித்திரங்கோடு, வேர்கிளம்பி , மேக்காமண்டபம் , முட்டைகாடு வழியாக மைதானத்தை வந்து அடைந்தது. பின்னர் மாவட்ட அளவிலான கபடி போட்டி நடைபெற்றது இதில் குமரி மாவட்டத்திலிருந்து பல்வேறு அணிகள் கலந்து கொண்டன.

1-1-2012 காலை ஏழு மணிக்கு பெருஞ்சிலம்பு முதல் கொற்றிகோடு வரையிலான மாரத்தான் ஓட்ட பந்தயம் நடைபெற்றது. அதை தொடர்ந்து 200 மீட்டர் ஓட்ட பந்தயம் , குண்டு எறிதல் , நீளம் தாண்டுதல், சிறுவர் சிறுமியர்களுக்கான விளையாட்டு போட்டிகள் வகுப்பு வாரியாக நடைபெற்றது.

சிறப்பு போட்டியாக வழுக்கு மரம் ஏறுதல் போட்டி நடைபெற்றது. வழுக்கு மரம் ஏறுதல் போட்டியானது பார்வையாளர்களை மகிழ்விக்கும் விதமாக இருந்தது அனைவரும் கைகளை தட்டி வீரர்களை உற்சாக படுத்தியது ரசிக்கும் விதமாக இருந்தது.

திருமணம் ஆனவர்களுக்கும் திருமணம் ஆகாதவர்களுக்குமான வடம் இழுத்தல் போட்டி நடைபெற்றது இரு அணிகளும் ஒருவருக்கு ஒருவர் முட்டி மோதும் விதமாக போட்டி மிகவும் திரில்லாக நடைபெற்றது கடைசியில் திருமணம் ஆனவர்கள் வெற்றி பெற்றார்கள்.

மாலை பொதுக்கூட்டமும் சிறுவர் சிறுமிகளின் கலை நிகழ்ச்சிகளும் பரிசு வழங்கலும்நடைபெற்றது. இரவு திரை இன்னிசை விருந்தோடு இனிதே முடிந்தது. விழாவில் ஏழைகளுக்கு இலவச வேட்டி சேலைகள் வழங்கப்பட்டது.

இந்த ஆண்டின் சிறப்பு என்னவென்றால் பொதுக் கூட்டத்தின் போது எந்த ஆண்டிலும் இல்லாத அளவிற்கு பொது மக்கள் வந்திருந்தார்கள். சிறுவர்கள் அதாவது நாளைய இயக்கத்தின் தூண்கள் மிகவும் சுறு சுறுப்பாக பணியாற்றினார்கள்.

பதிமூன்று ஆண்டுகள் அல்ல நூறாண்டுகளுக்கு மேலாக இந்த இயக்கம் இருக்க வேண்டும் என்று தான் எல்லோரும் பரவலாக பேசினார்கள். சிறந்த நிர்வாகத்தை இளைஞர்களால கொடுக்க முடியும் என்பதற்கு சாட்சி தான் இந்த இயக்கம்.

தாகம் மனிதனுக்கு மட்டுமா எனக்கும் தான்

2011-11-18T12:17:00.001+05:30

தாகம் மனிதனுக்கு மட்டுமா எனக்கும் தான்

குடிநீர் நல்லி மனிதர்களுக்கு மட்டுமா எங்களுக்கும் தான்

கொற்றிகோடு அருகே குமாரபுரம் பகுதியில் தண்ணீர் தாகத்தை தீர்த்து கொள்ள நினைத்த கன்று குட்டி குடிநீர் நல்லியில் தாகத்தை தீர்த்து கொண்ட போது எடுத்த படம்.

படங்கள் : சுபாஷ்

குமாரபுரம் பேரூராட்சி தேர்தல் ஒரு பார்வை .

2011-10-09T13:39:00.000+05:30

குமாரபுரம் பேரூராட்சி தமிழ் நாட்டின் ஒரு எல்கையான குமரி மாவட்டத்தில் அமைந்துள்ளது. இந்த பேரூராட்சி தக்கலை குலசேகரம் சாலையில் தக்கலையிலிருந்து ஆறு கிலோ மீட்டர் தாண்டி இதன் எல்லை துவங்குகிறது . ஒரு இதன் எல்லைகளாக முட்டைகாடு, மணலிக்கரை , சித்திரன்கோடு , பண்ணி பொத்தை போன்ற ஊர்கள் அமைந்துள்ளன. மற்றும் இந்த பேரூராட்சியில் மிக பெரிய ஊராக கொற்றிகோடு திகழ்கிறது .

15 வார்டு உறுப்பினர்களை உள்ளடக்கியது குமாரபுரம் பேரூராட்சி. இப்போது நடைபெறுகிற உள்ளாட்சி தேர்தலில் தலைவர் வேட்பாளர்களாக 6 பேர் களத்தில் உள்ளார்கள் . 15 வார்டுகளுக்கும் சேர்த்து 62 பேர் போட்டியிடுகின்றனர்.

தலைவர் வேட்பாளர்கள்

பிரேம லதா - காங்கிரஸ்
பிலோமினாள் - திமுக
அனிதா ஜெங்கின்ஸ் -அதிமுக
சாந்தி - பாஜக
செல்வம் - சுயேட்சை
சுனிதா ஜெயக்குமார் - சுயேட்சை

வார்டுகளை பொறுத்த வரையிலும் ஒவ்வெரு வார்டிலும் மூன்றுக்கு மேற்பட்டவர்கள் ஆறிலிருந்து ஏழு பேர் வரை நேரடி போட்டிகளில் உள்ளனர். மதிமுக 2,5,6,7 என 4 வார்டுகளில் முதல் முறையாக போட்டியிடுகிறது. திமுக 3 வார்டுகளிலும் மார்க்சிஸ்ட் கம்யூனிஸ்ட் 3 வார்டுகளிலும் , தேமுதிக ஒரு வார்டிலும் , பாஜக 4 வார்டுகளிலும் போட்டியிடுகின்றன.

அதிமுக 14 வார்டுகளிலும் , காங்கிரஸ் 11 வார்டுகளிலும் போட்டியிடுகின்றன. 19-10-2011 அன்று வாக்கு பதிவுகள் நடைபெறுகின்றன. 21 ஆம் தேதி வாக்குகள் எண்ணப்பட்டு அன்றே முடிவுகள் அறிவிக்கப்படுகின்றன.

பெருஞ்சிலம்பு பெயர் வரக்காரணமும் சேரன் கட்டிய முதல் கண்ணகி கோயிலும்

2011-10-07T00:07:00.001+05:30

அன்னைக் கன்னித் தமிழ்த்தாயின் நன்னழகார காவிய மலர்களுள் ஓன்று தான் ஐம்பெரும் காப்பியங்களில் ஒன்றான "சிலப்பதிகாரம்".

சேர, சோழ, பாண்டிய நாடான முத்தமிழ் நாட்டையும் இணைத்து மூன்று வேந்தர்களையும் சேர்த்து பின்னி பிணைத்து இயற்றப்பெற்றது தான் சிலப்பதிகாரம். பெண்ணின் கற்பிற்கு ஓர் மணிமகுடமாக இன்றும் நிலைத்து நிற்கிறது.

சோழ நாட்டிலே பெரும் செல்வந்தர்களான மாசாத்துவான் மகளாக பிறந்த கண்ணகிக்கும் மாங்குட்டுவன் மகனாக பிறந்த கோவலனுக்கும் திருமணம் முடிந்து, சீரும் சிறப்போடும் வாழ்ந்து வரும் நாளில் கலைமகளான மாதவியின் ஆட்டத்தில் மதி மயங்கிய கோவலன் , ஈட்டிய பொருளினை இழக்க, விதி விளையாட , மதி மயக்க , மதுரை சென்று மனையாளின் சிலம்பு விற்க, அவனை கள்வன் என கொலை செய்யப்பட்ட செய்தியறிந்த உத்தமபத்தினி கர்பிற்கரசி கண்ணகி பாண்டிய நாடு சென்று பாண்டிய மன்னனின் அரசு அவையிலே "தன் கணவன் கள்வன் அல்ல" என வாதிட்டு வாகைசூடி, மதுரை மாநகரையே தீக்குதீனியிட்டு, சேர நாடு சென்று மலையடிவாரத்தில் தன் கணவனின் வரவிற்காய் காத்திருந்து அங்கு புஷ்ப விமானத்தில் வந்த தன் கணவனுடன் செல்கிறாள்.

சேர நாட்டிலே மலையடிவாரத்திலே கண்ணகி புஷ்ப விமானத்தில் சென்ற காட்சியை கண்டு நின்ற மலைக்குறவர்கள் தங்கள் மன்னர் சேரன் செங்குட்டுவனிடம் சென்று தாங்கள் கண்ட காட்சியை தெரிவிக்கிறார்கள். செய்தியறிந்த மன்னர் அவையைக்கூட்டி இதுபற்றி செய்தி சேகரிக்க மன்னரவை புலவர் சீத்தலைசாத்தனார் மூலம் "கண்ணகி ஓர் பத்தினி தெய்வம்" என்ற விவரமறிந்த மன்னன்அவளுக்கு கோயில் கட்டி சிலை வடிக்க சபதமிட்டு, இமயத்தில் கல்லெடுக்க வடநாடு நோக்கி படைஎடுக்கின்றான். வழியில் எதிர்த்த கனக விசய மன்னர்களை பிடித்தடக்கி , இமயம் வரை பரந்திருந்த பின் தென்னகத்திற்கு தள்ளப்பட்ட மீண்டும் இமயத்தை வென்று விட்டான் என்பதற்கு அடையாளமாக வில், புலி, மீன் ஆகிய மூவேந்தர்கள் கொடியையும் இமயத்தில் ஓன்று சேர நாட்டி, இமயத்திலே கல்லெடுத்து கனக விசய தலையிலேற்றி , கங்கையிலே நீராட்டி, செரத்திலே சிலைவடித்து, மலையை சார்ந்த குறிஞ்சி நிலத்திலே கண்ணகிக்கு கோயில்கட்டி விழா எடுக்கிறார்.

துறவறம் பூண்டிருந்த சேரன் செங்குட்டுவனின் தம்பி இளங்கோவடிகள் சீத்தலை சாத்தனார் மூலம் செய்தியறிந்து அண்ணன் கட்டிய கண்ணகி கோயிலின் சிறப்பு நிலை நிற்கும்படியாகவும், கற்பிற்கரசியின் மகத்துவம் வெளிப்பட்டு இலக்கியத்தில் மங்காது நிலைத்து நின்று பளிச்சிடும்படியும் முத்தமிழ் நாட்டின் சிறப்புகளையும் இயல்புகளையும், பண்பாட்டுகளையும் இணைத்து சிலப்பதிகார காப்பியத்தை படைத்து வைக்கின்றார்.

முத்தமிழ் நாட்டில் ஒன்றான குமரி முதல் மலபார் வரை பரந்திருந்த சேரநாட்டின் தென்பகுதி தான் இன்றைய குமரி மாவட்டம். இக்குமரி மாவட்டத்தின் மையப்பகுதியில் மாவட்டத்தின் இதயம் போன்று அமைந்து உயர்ந்து நிற்கும் வெளிமலையின் அடிவாரத்தில் அமைந்திருப்பதும், பத்மநாபபுரம் கோட்டையின் முன் வாசலை முத்தமிட்டுச் செல்லும் தக்கலை குலசேகரம் சாலையில் குமாரபுரம் சந்திப்பிலிருந்து கொற்றிகோடு ஊர் வழியாகச் செல்லும் பாதை சென்று சங்கமிக்கும் இடம் தான் பெருஞ்சிலம்பு என்ற பெயர் கொண்ட இடம்.

வேளிமலையிலிருந்து உற்பத்தியாகி ஓடிவரும், தட்சனக்கோதையாறு என்ற சடையாறு பாய்ந்தோடி வளப்படுத்துவதும், மலைவளத்தால் செழிப்பதும், இலக்கிய சோலையில் வர்ணிக்கப்படும் இயற்கை சூழல் கொண்டதுமான இவ்விடத்தில் வைத்து தான் பாண்டியனிடம் நீதிகேட்டு, மதுரை மாநகரை தீக்குத்தீனியிட்டு சேரநாடு வந்த கண்ணகி, தன் கணவன் கோவலனின் வரவிற்காய் காத்திருந்து புஷ்பவிமானத்தில் வந்த தன் கணவனுடன் செல்கிறாள். இந்நிகழ்ச்சி நடக்காமலிருந்தால், குன்றக் குறவர்கள் தாங்கள் கண்ட காட்சியை தங்கள் மன்னரிடம் சொல்லாமலிருந்தால், சேரமன்னன் இமயம் நோக்கிச் சென்று கல்லெடுத்து சிலைவடிக்கவோ, சேரனின் தம்பி இளங்கோவடிகளால் சிலப்பதிகார காப்பியம் படைக்க வேண்டிய நிலையோ ஏற்பட்டிருக்காது. எனவே கண்ணகியின் கற்பிற்கு பெருமை சேர்க்கும் சிலப்பதிகார காப்பியம் தோன்ற முக்கியகாரணமான மேலே குறிப்பிட்டபடி கண்ணகி தெய்வ நிலை பெற்றுச் சென்ற நிகழ்ச்சி இங்கு நடைபெற்றதால் தான் இவ்விடத்திற்கு பெருஞ்சிலம்பு என்று பெயர் வந்தது.

மேலும் மன்னனிடம் செய்தி சொன்ன குன்றக்குறவர்கள் (மலைக்குறவர்கள்) இங்கு வாழ்ந்திருக்கிறார்கள் என்பதற்கு சான்றாக இங்குள்ள ஒரு மலைக்கு "குறத்திமலை" என்ற பெயரும், இதன் எல்லைப்பகுதியில் குறவன்குடியிருப்பு என்ற பெயர் கொண்ட ஊரும் உள்ளது.

மேலும் 1968 இல் தமிழ்க்கடல் அறிஞர் அண்ணா அவர்கள் முதலமைச்சராக இருந்த போது தமிழ்நாட்டில் நடந்த "உலகத்தமிழ் மாநாட்டிலே" நடந்த ஆய்வறிக்கையின் போது, சிலப்பதிகாரத்திலே வரும் சேரமன்னன் கட்டிய முதல் கண்ணகிகோயில், குமரிமாவட்டத்தின் மலைப்பகுதியிலே தான் காணப்படும். அக்கோயிலை கண்டு பிடிக்க ஆய்வாளர்கள் முயற்சிக்க வேண்டும். என்று கேட்டு கொண்டார். ஆனால் அவ்வாராய்ச்சி தொடராததும், முதல் கண்ணகியின் கோயில் கண்டு பிடிக்காததும் ஆய்வாளர்களின் ஆய்வுக்கு தொய்வாக உள்ளது.

அன்றைய சேர நாடான இன்றைய கேரளத்தில் கண்ணகி கோயில் இருந்தாலும், சேரமன்னன் கட்டிய முதல் கண்ணகி கோயில் எங்கிருக்கும் என்பது சிந்தனக்குரியதாக உள்ளது. ஏனென்றால் இமயத்தில் கல்லெடுத்து கனக,விசயர் தலையிலே ஏற்றி வந்த கல்லில் சேரன் சிலை வடித்தார் என்றால், ஒரு ஆள் சுமக்கும் அளவுள்ள கல்லில் தான் முதல்கண்ணகி சிலை செதுக்கியிருக்க வேண்டும். ஆள் உயர கல்லில் சிலை வடித்திருக்கமாட்டார் என்பது மறுக்க முடியாத உண்மை. அதுவும் கண்ணகி காப்பியம் அமைய காரணமாயிருந்த இடத்தின் பக்கத்தில் தான் முதல்கோயில் மன்னர் கட்டியிருக்க வேண்டும் என்பதும் சிந்தனைக்குரியது. வெளிமலையின் அடிவாரத்தில் அமைந்திருப்பது தான் பெருஞ்சிலம்பு.

இந்த வேளிமலையில் அழிந்தும் அழியாத நிலையில் பல கோயில்கள் இருந்தும் சிதறுண்ட நிலையில் கண்ணகிகோயில் உள்ளதாக வாய்வழிச் செய்திகள் வந்து கொண்டிருந்தும், சேரன் கட்டிய முதல் கண்ணகி கோயிலை கண்டு பிடிக்காததும் ஆய்வு செய்யாததும், ஆய்வாளர்களுக்கு இது ஒரு தொய்வேயாகும்.

-ஆசிரியர் கொற்றை. ஈ.ஞான தாஸ்

மேல்நிலை தேர்வில் மாநில அளவிலும் மாவட்ட அளவிலும் சாதித்த மனிலிக்கரை மாணவர்கள்

2011-05-09T22:07:00.000+05:30

தமிழகம் முழுவதும் மேல்நிலை பள்ளிகளுக்கான தேர்வு முடிவுகள் இன்று அதிகார பூர்வமாக வெளியிடப்பட்டது. குமரி மாவட்ட அளவில் கொற்றிகோடு அருகே மணலிக்கரையில் அமைந்துள்ள புனித மரிய கொரற்றி மேல்நிலை பள்ளி மாணவ மாணவிகள் மாநில மற்றும் மாவட்ட அளவில் சாதனை படைத்துள்ளார்கள்.

மாநில அளவில் தாவரவியல்(Botany) பாடத்தில் மாணவி றிபானா இரண்டாம் இடம் பெற்றுள்ளார்.

மாவட்ட அளவில் முதல் மற்றும் இரண்டாம் இடங்களை இதே பள்ளி மாணவர்கள் தட்டி சென்றுள்ளனர். முதலிடத்தை ஜோஸ் ரிஜான் 1180 மதிப்பெண்கள் பெற்று மாவட்ட அளவில் முதலிடம் பெற்றுள்ளார். இதே பள்ளியை சார்ந்த அபினாஸ் மாவட்ட அளவில் இரண்டாம் இடம் பெற்றுள்ளார்.

ஜோஸ் ரிஜான் பத்தாம் வகுப்பு தேர்வில் மாநில அளவில் முதலிடம் பெற்று பள்ளிக்கு பெருமை சேர்த்தார் என்பது குறிப்பிட தக்கது.

மாவட்ட மாநில அளவில் சாதனைகள் படைத்து பள்ளிக்கும் ஊருக்கும் பெருமை சேர்த்த மாணவர்களுக்கும் மாணவர்களுக்கு கற்பித்த ஆசிரியர்களுக்கும் பள்ளி நிர்வாகிகளுக்கும் பெற்றோர்களுக்கும் கொற்றிகோடு லக்கி ஸ்டார் ஸ்போர்ட்ஸ் கிளப் சார்பாக பாராட்டுகளையும் வாழ்த்துக்களையும் தெரிவித்து கொள்கிறோம்.

கொற்றிகோட்டில் ஐக்கிய கிறிஸ்தவ சிலுவை பாதை பவனி

2011-04-22T17:28:00.000+05:30

இன்று உலகம் முழுவதும் புனித வெள்ளியாக கிறிஸ்தவர்கள் அனுசரித்து வருகின்றனர். இயேசுவை சிலுவையில் அறைந்த நாளை நினைவு கூறும் விதமாக கிறிஸ்தவர்கள் சிலுவையை சுமந்து நினைவு கூறி வருகின்றனர். கத்தோலிக்க கிறிஸ்தவர்கள் இயேசு சிலுவையை சுமந்து கல்வராயன் மலைக்கு சென்ற போது நடைபெற்ற ஒவ்வெரு நிகழ்வுகளையும் நினைத்து அனுசரித்து வருவார்கள்.

கொற்றிகோட்டில் கத்தோலிக்க கிறிஸ்தவர்களும் தென்னிந்திய திருச்சபையினரும் சேர்ந்து ஐக்கிய சிலுவை பாதை பவனியாக நடத்தி வருகின்றனர். இதில் புனித மிக்கேல் அதி தூதர் ஆலயம், கொற்றிகோடு தென்னிந்திய திருச்சபை, சோலாபுறம் புனித பத்தாம் பத்தி நாதர் ஆலயம், பட்டன் விளை தென்னிந்திய திருச்சபை ஆகிய திருச்சபைகள் இணைந்து இயேசுவின் சிலுவை மரணத்தை நினைவு கூறுகின்றனர்.

எல்லா ஆண்டும் மதியம் இரண்டு மணி முதல் மாலை ஐந்து மணி வரை நடைபெறும் மும்மணி தியானம் சிலுவை பாதை பவனிக்காக கொற்றிகோடு திருச்சபையில் இன்று காலை நடத்த பட்டது. இதில் சிலுவையில் இயேசு தொங்கிய போது பேசிய ஏழு வாரத்தைகள் பற்றி ஏழு பேர் செய்தி கொடுத்தார்கள்.

அனைத்து திருச்சபை மக்களும் மிக்கேல் நகர்(பனன்காலை) புனித மிக்கேல் அதி தூதர் ஆலையத்தில் கூடி அங்கிருந்து முட்டைகாடு சென்று குமாரபுரம் வந்து இடையிடையே ஒவ்வெரு நிலைகளிலும் அந்த நிலை குறித்த செய்தியும் தியானமும் செய்யப்பட்டு கொற்றிகோடு காவல் நிலையம் சென்று மீண்டும் குமாரபுரம் வழியாக கொற்றிகோடு ஆலயம் முன்னிருக்கும் 9 வது நிலையை முடித்து சொலாப்புறம் புனித பத்தாம் பத்தி நாதர் ஆலயத்தில் நிறைவு செய்தனர்.

இயேசுவின் பாடு மரணம் குறித்த தியான பாடல்களை பாடிய வண்ணம் பவனி சென்று கொண்டிருக்கிறது. அமைதியும் ஒருவித சோர்வும் தியாகமும் வெளிகாட்டும் விதமாக பவனியில் பங்கேற்றவர்கள் இருந்தார்கள். கடந்த வாரம் நடத்திய குருத்தோலை பவனியிலிருந்தும் இது மிகவும் வித்தியாசத்தொடு காட்சியளித்தது.

“ஒன்பது முறை விழுந்தவனை பார்த்து பூமி சொன்னதாம் நீ எட்டு முறை எழுந்தவன் தானே என்று” பவனியின் போது நினைவூட்ட பட்ட இந்த வரிகள் தன்னம்பிக்கையையும் தோல்வி என்பது ஒரு வித வெற்றி தான் என்பதை நினைவூட்டியது.

தமிழ் அழிந்தால் தெய்வம் அழியும் , தெய்வம் அழிந்தால் தமிழ் அழியும் தெய்வ மொழிக்கு ஏதடா அழிவு ?

2011-03-07T18:54:00.001+05:30

கொற்றிகோடு இணையம் சார்பாக குமரி ஆதவனிடம் கேட்கப்பட்ட கேள்விகளும் இலக்கிய சாதனையாளர் குமரி ஆதவன் அவர்களின் பதில்களும்

உங்களுக்கு சிறு வயது முதலே தமிழ் இலக்கியம் மீது ஆர்வம உண்டுமா ? எப்படி இந்த ஆர்வம வந்தது ?

தாய்மொழி தமிழ் என்கிற உணர்வு வகையில் தமிழ் மீது ஆர்வம் சிறுவயது முதலே இருந்தது . ஆனால் தமிழ் இலக்கியம் மீதான ஆர்வம் நான் மேல்நிலைப்பள்ளியில் பயிலும் போதுதான் ஏற்பட்டது .கற்பிக்க பட்ட பாடங்கள் , கற்ப்பித்த விதம் ,சமூகத்தை கூர்ந்து பார்க்கிற பருவம் ,இளகிய நூல்கள் பல வாசிப்பதற்கான வாய்ப்பு இவையெல்லாம் தான் ஆர்வத்திற்கு காரணம் ..

நீங்கள் வெளியிட்ட புத்தகங்களில் உங்களுக்கு மிகவும் பிடித்த புத்தகம் எது ? ஏன் பிடித்தது ?

ஒரு தாயிடம் போய் நீங்கள் பெற்ற பிள்ளைகளில் மிகவும் பிடித்த பிள்ள எதுவென்று கேட்டால் என்ன பதில் கூறுவீர்கள் ?! அந்த தாயின் நிலைமைதான் என்னிடமும் காணபடுகிறது . நான் எழுதிய புத்தகம் எல்லாமே தனித்துவம் கொண்டவை தான்; எல்லாம் என்னக்கு பிடித்தவைதான் . ஆனால் பிறரால் பெரிதும் பாராட்ட பட்ட நூல்கள் உண்டு . அருமை மகளே - கவிதை நூல் முன்னாள் ஜனாதிபதி மேதகு. டாக்டர் . அப்துல் கலாம் அவர்களின் பாராட்டை கடிதத்தையும், நூலக கட்டமைப்பின் ' நல்நூல் ' விருதையும் பெற்றது . அதுபோல் 'குல குழைய முந்திரிக்காய்' என்ற அழிந்து வரும் கிராமிய விளையாட்டுகள் குறித்த நூலும் , ' தெற்கில் விழுந்த விதை ' நூலும் அறிஞர் பெருமக்களின் பாராட்டுகளை பெற்றதாகும் .....

தமிழகத்தில் இப்போது தமிழ் எந்த நிலையில் இருக்கிறது ?

பெரு நகரங்களை தவிர்த்து கிராமங்களில் தமிழ் ஓரளவு பாதுகாப்பாக உள்ளது . ஆனால் ஓட்டுமொத்த தமிழிலும் , தமிழரிலும் சிதைவுகள் ஏற்பட்டுள்ளதை ஒப்புகொள்கிறேன் ..பல்வேறு படையெடுப்புகள் , ஆட்சி மாற்றங்கள் , வைதீக மதம் தொடங்கி தமிழருக்குள்நுழைந்த பல்வேறு மதங்கள் இவையனைத்தும் தமிழ் பண்பாட்டிலும் , மொழியிலும் ஊடுருவி தமிழை சிதைத்தன . இதனால் தமிழருக்குள் இருந்த தூய தமிழ் மொழி, தமிழ் பண்பாடு ஆகியவை கலப்புகளால் கதிகலங்கி நிற்கின்றன ..........

இன்னும் சில ஆண்டுகளில் தமிழ் எழுத்தில் மட்டும் தான் இருக்கும் பேச்சில் இருக்காது என சொல்ல படுகிறது அதை பற்றி நீங்கள் என்ன நினைக்கிறீர்கள் ?

உலகில் தோன்றிய எத்தனையோ மொழிகள் அழிந்து போயுள்ளன . ஆனால்' கல் தோன்றி மண் தோன்ற காலத்தே முன்தோன்றிய மூத்தகுடி ' பேசிய தமிழ் மொழி இன்று வரை வாழ்ந்து கொண்டிருக்கிறது என்றால் அதன் செழுமை,எழுமை தான் காரணம் .உலக மொழியியல் அறிஞர் நோவம் காம்சி ஒரு காலத்தில் உலகமுழுவதும் இருந்த மூலமொழி அநேகமாக தமிழ் ஆகத்தான் இருக்கும் என்கிறார் . உலகின் மிகப் பழமையான செம்மொழி வரிசையில் உள்ள கிரேக்கம் , இலத்தீன் ,ஹீப்ரு ,சமஸ்கிருத மொழிகளில் கூட தமிழ் உள்ளது .எனவே செம்மொழி அழியும் என்பதை ஏற்றுகொள்ள முடியாது .இதனால் தான் எனது ' எரிதழல் கொண்டுவா ' கவிதை நூலில் தமிழ் அழிந்தால் தெய்வம் அழியும் , தெய்வம் அழிந்தால் தமிழ் அழியும் தெய்வ மொழிக்கு ஏதடா அழிவு ? என்று தமிழை நீச மொழி என்று பழித்தவரை சாடியிருந்தேன் ..............

................தொடரும்

வாக்காளர் பட்டியலில் உங்கள் பெயர் இருக்கிறதா? சரி பார்த்து கொள்ளுங்கள்

2011-02-04T15:22:00.001+05:30

ஜனநாயகத்தில் மக்களுக்கு கிடைத்த ஒரே உரிமை ஓட்டுரிமை. பலரும் வாக்களிக்க செல்லும் போது வாக்காளர் பட்டியலில் தங்கள் பெயர் இல்லாமல் வாக்களிக்க முடியாமல் திரும்பி இருக்கிறார்கள். மக்களாட்சி தத்துவத்தின் அடிப்படையில் மக்கள் பிரதிநிதிகளை மக்கள் தான் தேர்ந்தெடுக்க வேண்டும். இந்திய அரசியல் அமைப்பு சட்ட படி பதினெட்டு வயது நிரம்பிய ஆண் பெண் இருபாலருக்கும் வாக்களிக்கும் உரிமை கொடுக்கப்பட்டுள்ளது. நம்மை யார் ஆட்சி செய்ய வேண்டியதும் நாம் தான். முதலில் உங்கள் பெயர்கள் வாக்காளர் பட்டியலில் இருக்கிறதா என்பதை சரி பார்த்து கொள்ளுங்கள். விடுபட்டிருந்தால் உடனடியாக வாக்காளர் பட்டியலில் உங்கள் பெயர்களை சேர்க்க தேவையான நடவடிக்கைகளை உடனடியாக எடுத்து கொள்ளுங்கள்.

இன்னும் இரண்டு மாதத்தில் தமிழ்நாடு சட்ட சபைக்கான தேர்தல் நடைபெற இருக்கிறது. ஐந்து ஆண்டுகளுக்கு பிறகு தமிழகத்தின் தலைவிதியை நீங்கள் தீர்மானிக்க போகிறீர்கள் எனவே உங்கள் பெயர்களை இந்த நேரத்தில் நீங்கள் சரி பார்த்து கொண்டால் உங்கள் உரிமையை நீங்கள் நிலை நாட்டலாம். தமிழ் நாடு தேர்தல் ஆணையத்தின் மூலம் கடைசியாக புதுப்பிக்க பட்ட வாக்காளர் பட்டியல் வெளியிடப்பட்டுள்ளது. இதை இந்த இணைப்பில் சென்று பார்க்கலாம் புதுப்பிக்க பட்ட வாக்காளர் பட்டியல் .

தமிழில் தேட இந்த இணைப்பில் செல்லலாம் இந்த இணைப்பில் சென்று உங்கள் மாவட்டம், உங்கள் தொகுதி நீங்கள் தேர்வு செய்து உங்கள் பெயர்கள் இருக்கிறதா என்றும் பார்க்கலாம்.

பதமனாபபுரம் தொகுதிக்கு உட்பட்டவர்கள் மேற்கண்ட இணைப்பின் மூலமாகவும் பார்க்கலாம். நேரடியாக உங்கள் பெயர்கள் மூலம் தேட இந்த இணைப்பில் சென்று உங்கள் பெயர் உங்கள் உறவினர் பெயர் கொடுத்து தேடலாம்.

குமாரபுரம் பேரூராட்சிக்கு உட்பட்ட வார்டு வாரியாக பெயர் பட்டியல் பார்க்க கீழ்க்கண்ட இணைப்புகளில் செல்லவும்.

குமாரபுரம் பேரூராட்சி

வார்டு எண் 1 பெருஞ்சிலம்பு , பிளாக் 19

வார்டு எண் 2 கரும்பாறை, சோலாப்புரம், அதிசய புரம்

வார்டு 3, பிளாக் 18, கொற்றிகோடு வலதுபக்கம்

வார்டு 5 பிளாக் 9 கொற்றிக்கோடு இடதுபக்கம்

வார்டு 6, பிளாக் 7, குழிவிளை,குமாரபுரம்

வார்டு 7, பிளாக் 8, கொற்றிகோடு

மேலும் தகவல்களுக்கு இந்த இணைப்பில் சென்று உங்கள் வார்டு, வாக்களிக்கும் இடம், பிளாக் இவற்றில் ஏதாவது ஒன்றை தேர்வு செய்து சரி பார்த்து கொள்ளுங்கள்.

சமூக விடுதலைக்கு வித்திட்ட கிறிஸ்தவத்தின் இன்றைய பரிதாப நிலை

2011-02-04T01:07:00.001+05:30

தமிழ் நாட்டிலேயே கிறிஸ்தவர்கள் அதிகமாக வாழும் மாவட்டமாக குமரி மாவட்டம் திகழ்கிறது அதே நேரம் கல்வியறிவிலும் முதன்மை பெற்ற மாவட்டமாக திகழ்கிறது. பலருக்கு இது எப்படி சாத்தியம் ஆனது என்பது இன்னும் புரியாத புதிராகவே உள்ளது.

Charles Mead

இரண்டு நூற்றாண்டுகளுக்கு முன்பு குமரி மாவட்டம் கிறிஸ்துவை பற்றி அறியாத மாவட்டமாக தான் இருந்து வந்தது. காளியையும் , இசக்கியையும் , சொள்ள மாடனையும் தான் இந்த மக்கள் வழிபட்டு வந்தனர். கன்னியாகுமரி மாவட்டம் திருவிதாங்கூர் சமஸ்தானத்தின் கீழ் மன்னராட்சியின் கட்டு பாட்டில் இருந்தது. அப்போது இந்து மனுதர்மத்தின் ஆட்சி நடை பெற்றது. இந்த திருவிதாங்கூர் சமஸ்தானத்தால் தாழ்த்தப்பட்டவர்கள் என்று ஒதுக்கி வைக்கப்பட்ட சாணார்(நாடார்), பரவர், ஈழவர், முக்குவர், புலையர் உள்ளிட்ட 18 சாதியைச் சேர்ந்த பெண்கள் மேலாடை அணிவதற்குத் தடை விதிக்கப்பட்டிருந்தது. இவர்கள் மார்பகத்தை திறந்து போடுவதுதான் உயர் சாதியினருக்குத் தரும் மரியாதை என்று தரம் தாழ்ந்த எண்ணத்தில் திருவாங்கூர் சமசுதானம் ஒரு நடைமுறையை வகுத்திருந்தது. இதன்படி 18 சாதிகளைச் சேர்ந்த பெண்கள் மேலாடை அணியாமல் அவமானத்துடன் வாழ்ந்து வந்தனர்.

சாதி ஒடுக்கு முறைகள் நடந்த நேரத்தில் தான் கிறிஸ்தவத்தை பரப்பும் விதமாக றிங்கல்தௌபே , மீட் ஐயர் போன்ற பாதிரியார்கள் குமரி மாவட்டம் வந்து இறைபணி ஆற்றினர். இந்த மக்கள் கல்வி கற்க வசதியும் இன்றி , மேல் சாதி மக்களால் ஒடுக்க படும் அவல நிலைகளை கண்டு முதலில் இந்த மக்களுக்கு அடிப்படை உரிமைகள் தேவை என்பதை உணர்ந்து கிறிஸ்தவத்தை பின்பற்றிய மயிலாடி வேதமாணிக்கம் அவர்கள் உதவியோடு சிறிய கல்வி கூடம் றிங்கல்தௌபே அவர்களால் ஏற்படுத்த பட்டது . பின்னர் நாட்கள் போக போக இந்த மக்களுக்கு மருத்துவ வசதிகளும் சிறிது சிறிதாக ஏற்படுத்த பட்டது.

குமரி மாவட்ட பெண்கள் மேலாடையின்றி வீதிகளில்

தாழ்த்த பட்டவர்கள் என ஒதுக்க பட்டவர்கள் இடுப்பிற்கு மேலே உடை அணிய அப்போதைய மன்னராட்சியில் தடை விதிக்க பட்டது . இதே நிலை பெண்களுக்கும் ஏற்பட்டது . உயர் சாதி பெண்கள் தங்கள் மார்பை மறைக்க அனுமதி அளிக்கப்பட்டது. இப்படி ஒரு கொடூரமான ஒடுக்கு முறை உலகில் எங்கேயும் நடக்கவில்லை என வரலாற்று ஆய்வாளர்கள் கூறுகிறார்கள். இந்த நிலையில் தான் சமூக விடுதலை வேண்டி பலர் கிறிஸ்தவ மதத்திற்கு மாறினார்கள். இந்நிலையில் கொற்றிகோடு, மண்டைக்காடு போன்ற பகுதிகளில் இறைபணி ஆற்றிய மீட் பாதிரியார் அவர்கள் கிறிஸ்தவ பெண்கள் மார்பகத்தை மறைக்க வேண்டும் என அறிவுறுத்தினார். இதனால் கிறிஸ்தவ பெண்கள் தங்கள் மார்பகங்களை மறைத்தனர்.

இதனை பொறுக்க முடியாத மேல் சாதியினர் கலவரங்களை உண்டு பண்ணினார் . குமரி மாவட்டத்தில் பல இடங்களில் கலவரங்கள் வெடித்தன. மீட் ஐயர் அவர்கள் ஆங்கிலேய தளபதி கார்னல் நேவால் என்பவருக்கு இச் சம்பவங்களைப் பற்றி விரிவாக கடிதம் எழுதினார் . இதன் பயனாக பத்மநாபபுரம் நீதி மன்றத்திற்கு ஆங்கிலேய தளபதியால் உத்தரவு பிறப்பிக்க பட்டு கிறிஸ்தவ பெண்கள் மட்டும் மேலாடை அணிவிக்க அனுமதி கொடுக்க பட்டது. அடக்கு முறையிலிருந்து மாறுவதற்காக பலரும் கிறிஸ்தவ மதத்திற்கு மாறினார். இவர்களை பின்பற்றி இந்து நாடார் பெண்களும் மேலாடை அணிய தொடங்கினர். இதே போல் பல போராட்டங்கள் நடந்து தான் ஒரு சமூக விடுதலை உருவானது.

இன்றைய நிலை

இந்த கிறிஸ்தவ பாதிரியார்களால் உருவாக்க பட்ட பல கல்வி கூடங்கள் , மருத்துவ மனைகள் குமரி மாவட்ட மக்களுக்கு மிகவும் பயனுள்ளதாக அமைந்தது. இறைபணி என்பது ஒரு சேவை போன்றது என்பதை குமரி மாவட்டத்தில் சாதித்து காட்டியவர்கள் தான் இந்த பாதிரியார்கள். இவர்களை போல் பல பாதிரியார்கள் இங்கு வந்து சேவை பணி என்னும் இறை பணியாற்றியதன் விளைவு தான் குமரி மாவட்டம் கிறிஸ்தவர்கள் அதிகம் உள்ள மாவட்டமாகவும் கல்வியறிவில் கூடிய மாவட்டமாகவும் திகழ்கிறது.

ஆனால் இன்று கிறிஸ்தவம் வெறும் அருட்செய்தியாகவே இருக்கிறதே தவிர அன்பு பணி இல்லை. கிறிஸ்தவம் இன்று சோம்பேறிகளுக்கு பணம் கொடுக்கும் ஒரு மதமாக மாறி கொண்டிருக்கிறது. வீட்டிற்கு ஒரு ஆலயங்கள் கட்டி மக்களை இந்த உலகிலிருந்து வேறு உலகிற்கு கொண்டு செல்வது போல் ஒரு பிரமையை ஏற்படுத்தி உணர்வுகளை தூண்டி விட்டு காணிக்கை என்ற பெயரில் தங்கள் பாக்கெட்டுகளை நிர்ப்புவதாகவே இருக்கிறது.

இன்றைய கிறிஸ்தவர்கள் மத்தியில் சமூக அவலங்களை குறித்து எந்த ஊழியரும் விழிப்புணர்வுகளை ஏற்படுத்துவது இல்லை. இரவு நேரத்தில் தெரு விளக்குகள் இல்லாத நேரத்தில் இருட்டை பார்த்து பேயாகவும், பிசாசாகவும் மனதில் கற்பனை செய்து கொண்ட மக்கள் மத்தியில் இன்று பேயும், பிசாசும் உண்மை என்ற செய்திகளை இந்த ஊழியர்கள் சொல்லி வருகின்றனர். ஒரு காலத்தில் இந்து மதத்தில் இருந்த மூட நம்பிக்கைகள் அனைத்தும் இப்போது கிறிஸ்தவ மதத்தில் இருக்கிறது. இதில் பெரும்பாலும் பெண்கள் பாதிக்க படுகின்றனர்.

வெளிநாட்டு கிறிஸ்தவ பாதிரியார்களால் உருவாக்க பட்ட அமைப்புகள் தான் C.S.I , R.C போன்ற சபைகள். இந்த அமைப்புகளில் கல்வி நிறுவனங்கள், மருத்துவ கூடங்கள் இருக்கின்றன(இன்று இந்த நிறுவனங்களும் வணிக மயம் ஆகி கொண்டிருக்கிறது ). இந்த சபைகளில் வரும் காணிக்கைகளுக்கு தனியாக கணக்குகள் இருக்கும். இந்த பணம் ஏதோ ஒரு வகையில் மக்களுக்கே பயன் படும். ஆனால் தனியாக ஆலயங்கள் நடத்துகிறவர்கள் கடவுளுக்கென்று காணிக்கை வசூலிக்கிறார்கள், அந்த பணத்திற்கென்று எந்தவொரு கணக்குகளும் இருப்பதில்லை. கடவுளுக்கென்று கொடுக்கும் காணிக்கைகள் எங்கே செல்கிறது ஒரு தனிநபர் வாழ்க்கையை சுகபோகமாக அனுபவிக்க செல்கிறது.

கடவுளை தங்களுக்குள்ளே தேட வேண்டும் என்பதை மறந்து மக்கள் தங்களின் பேராசைகளுக்காகவும், பயத்தின் விளைவாகவும் , நிம்மதியின்மையின் விளைவாகவும் கடவுளை எங்கேயோ தேடி செல்கின்றனர். எனக்கு தெரிந்து பெந்தேகோஸ்த் கூட்டங்களுக்கு போகிற பலரை பார்த்திருக்கிறேன் அவர்கள் ஒரு நிம்மதியற்ற வாழ்வில் தான் வாழ்ந்து வருகிறார்கள். இப்படி பட்ட கூட்டங்கள் கூடியதால் செய்வினை, கைவிசம், பில்லி சூனியம் போன்ற மூடநம்பிக்கைகள் மக்களின் வாழ்க்கையை சீரழிக்கிறது. இந்த போலி பாதிரியார்கள் வாஸ்து பார்கிறார்கள், நல்லநேரம் குறித்து கொடுக்கிறார்கள், ஒரு மந்திரவாதி என்னவெல்லாம் செய்வாரோ அதையெல்லாம் இவர்கள் செய்கிறார்கள்.

லட்சகணக்கான பணங்கள் இவர்களுக்கு ஏமாந்த கிறிஸ்தவர்களால் காணிக்கை என்ற பெயரில் கிடைக்கிறது. இதில் யாரும் சேவை பணிகள் செய்வதில்லை. கடவுள் மீது பற்று இருக்கிறதோ இல்லையோ ஆனால் இந்த போலி ஊழியகாரகளிடம் சிக்கி அடிமையாக பல மக்கள் வாழ்ந்து வருகிறார்கள். உண்மையான கிறிஸ்தவம் என்பது அன்னை தெரசாவும், ஸ்டுவர்ட் ஸ்டைன் போன்ற கடவுள் பணியாளர்கள் தான். சேவை பணி தான் கடவுள் பணி என இவர்கள் நினைத்து செயல் படுத்திய காரணத்தால் தான் இன்றும் கிறிஸ்தவம் உயிர் பெற்று நிற்கிறது.

மக்கள் தெளிவாக ஒன்றை புரிந்து கொள்ள வேண்டும். சமூக அவலங்களில் இருந்து விடுபடவும் அடிப்படை உரிமைகளான கல்வி, மருத்துவம் கிடைக்க வேண்டும் என்பதற்காக தான் மக்கள் கிறிஸ்தவத்தை ஏற்று கொண்டார்களே தவிர வெறுமனே அற்புதங்களை நம்பி ஏற்று கொள்ள வில்லை. இன்றைய வேண்டுதல்கள் எல்லாமே சுயநலம் மிக்கதாய் இருக்கறது. எப்போது சுயநலம் கூடுகிறதோ அப்போதே நீங்கள் கிறிஸ்தவர்கள் அல்ல. பிரார்த்தனை என்பது ஒரு மன நிம்மதியை தான் தரும். ஆனால் நாம் வாழும் முறை தான் நம் வாழ்க்கையை பயனுள்ளதாக்கும்.

எப்போது போலி பாதிரியார்களிடமிருந்து மக்கள் விடு பட்டு வருகிறார்களோ அப்போது தான் சுயநலம் மாறி பொது நலம் ஏற்படும். சமூக மாற்றங்கள் உருவாகும் ஆரோக்கியமான கிறிஸ்தவம் ஏற்படும். " இந்த எளியவனில் ஒருவனுக்கு நீ எதை செய்கிறாயோ அதை நீ எனக்கே செய்தாய்" சேவை பணி தான் இறை பணி ஒரு வேளை உணவிற்கு வழியற்று எத்தனையோ மக்கள் இப்போதும் வாழ்கிறார்கள், பள்ளி கூடங்கள் காணாத எத்தனையோ சிறுவர்கள் இருக்கிறார்கள் அவர்களை தேடி பிடித்து உதவுவோம் இது தான் கடவுளுக்கு கொடுப்பது.

மூடநம்பிக்கைகளிலிருந்து எப்போது ஒரு சமுதாயம் விடுபடுகிறதோ அது தான் உண்மையான விடுதலை.

மீண்டும் ஒரு சமூக விடுதலையை நோக்கி .........................

நல்லது எது கெட்டது எது என்று சிந்திப்போம் சிந்திக்கும் போது தான் பயணிக்கும் பாதை தெளிவாகும். இந்த பதிவு என்னுடைய தனிப்பட்ட கருத்துக்கள் மாற்று கருத்துக்கள் உங்களுக்கு இருக்கலாம். எதுவானாலும் நீங்கள் உங்கள் கருத்துக்களை தெரிவிக்கலாம். ஆரோக்கியமான விவாதங்கள் கூட நல்ல சிந்தனைகளை உருவாக்கும்.

கொற்றிகோடு வரலாற்று சிறப்பும் பெயர் காரணமும்

2011-01-30T20:30:00.004+05:30

முச்சங்கம் வைத்து தமிழ்வளர்த்த சேர,சோழ,பாண்டிய மூவேந்தருள் முதன்மை பெற்ற சேர நாட்டின் தென் பகுதியில், கடல் கொண்ட லெமுரியா கண்டத்தின் எஞ்சிய பகுதியாக நின்று, இன்று முக்கடல் முத்தமிட, முத்தமிழ் கொந்தளிக்க , நஞ்சையும் , புஞ்சையும் கொஞ்சி விளையாடி பல இலக்கிய சுவை கூறும் குமரி மாவட்டத்தில் திருவனந்தபுரம் நாகர்கோயில் நெடுஞ்சாலையில் தக்கலை பகுதியிலிருந்து பிரிந்து மார்த்தாண்டவர்மா மன்னரால் 17 ஆம் நூற்றாண்டில் நட்டாலத்து நீலகண்டபிள்ளை என்ற தேவசகாயம் பிள்ளையின் மேற்பார்வையில் கட்டப்பட்ட வரலாற்று புகழ் கூறும் பத்மனபாபுரம் கோட்டை வாசலை முத்தமிட்டு செல்லும் குலசேகரம் சாலையில் , குமாரபுரம் சந்திப்பில் ராஜீவ் காந்தி சிலை இடத்திலிருந்து பிரிந்து சிலப்பதிகாரம் காப்பிய புகழ் கூறும் பெருஞ்சிலம்பு செல்லும் பாதையில் இரு பக்கமும் அமைந்திருக்கும் ஊர்தான் கொற்றிகோடு. இவ்வூர் மக்கள் இன்று பெருஞ்சிலம்பு வரை பரவி வாழ்கிறார்கள் . எனவே இவ்வூர் இன்று பெருஞ்சிலம்பு வரை பரவி விரிந்துள்ளது .

வேளிமலை தோற்றம்

இயற்கை அன்னை எழில் நடனமிடும் இக்குமரிமாவடத்தின் மையபகுதியில் மாவட்டத்தின் இதயம் போன்று அமைந்து , வானுயர மப்புடன் உயர்ந்து நின்று இளம்தென்றல் வீசி வரும் சுகம் கொடுக்கும் எழில் மிகு பசும்சோலைகளையும் கொண்டு ,முக்கனியும் ,தேங்கனியும் முதிர்ந்து , பணப்பயிரும்,மணபயிரும், குணப்யிரும் வாரிவழங்கி இம்மாவட்டத்தின் ஜீவாதாரமாக அமைந்திருப்பதும் , தமிழர்களின் தனித்தெய்வமான எழில்மிகு திருமுருகன் தன் இதயம் கவர்ந்த கன்னி ,அன்று தினைப்புலம் காத்த வள்ளியை தேடிவந்து திருவிளையாடல் நடத்திய இடமும் , தக்கராஜன் வேள்வி வளர்த்த இடமாகையால் இம்மலைக்கு வேளிமலை என்று வரலாறு கூறுவதுமான வேளிமலையின் அடிவாரத்தில் அமைந்திருக்கும் இவ்வூரார் வேளிமலையிலிருந்து உதித்து வரும்உதயசூரியனை காலையில் கிழக்கு திசையில் கண்டு தங்கள் வாழ்க்கையை தொடங்குகின்றனர்.

இவ்வூரின் கிழக்கு பகுதியில் அமைந்திருக்கும் வேளிமலை முகட்டிலிருந்து உற்பத்தியாகி இம்மாவட்டத்தில் விளைந்தோடி வளபடுத்தும் ஆறுகளில் ஒன்றான கயலைகள் துள்ளி ஓடும் வள்ளி ஆறு இவ்வூரின் தெற்கு எல்லையிலும் , இன்னொன்றான தட்சணகோதையாறு என்ற சடையாறு இதன் வடக்கு எல்லையிலும் வளைந்தோடியும், பேச்சிபாறை பெருஞ்சாணி அணைகளின் நீரைசுமர்ந்து வரும் பத்மனபாபுரம் புத்தனாறு என்ற வெட்டாறு இதன் தென்மேற்கு எல்லையில் விளைந்தோடி வளபடுத்தியும், இதன் 3 திசைகளிலும் விளைந்தோடி அரண்போல் அமைந்த பத்மனபாபுரம் புத்தனாறை கடந்து செல்ல குமாரபுரம் அம்மன்கோயில் பக்கமுள்ள பாலம் மட்டும் இதன் முக்கிய கணவாய் போன்று அமைந்த ஓர் பாதுகவல் ஊர்தான் கொற்றிகோடு .

   இவ்வளவு பாதுகாவலும் செல்வசெழிப்பும் கொண்டு குறிஞ்சியும் ,முல்லையும் , மருதமும் ,ஒருங்கே அமைந்த இவ்வூரிலே ஒரே மொழி பேசும் ஒரே இனம் குழுமி வாழ்ந்து கொண்டிருகிறது . இந்த இனம் தான் நாட்டின் தலைமக்களான நாடன் இனம். நாடாண்ட பரம்பரைக்கு சொந்தக்காரன் .சேரநாட்டை மட்டுமின்றி இமயம் வரை இந்தியாவை ஆண்டதும் இவ்வினமே என்று இளம்பிள்ளை எழுதிய " பண்டைய கேரளம் " என்னும் நூலில் 198 ஆம் பக்கத்தில் கூறப்பட்டுள்ளது. தன் உயிரே போவதாய் இருந்தாலும் கூட போர் நெறியிலிருந்து பின்வாங்கவோ , முன் வைத்தகாலை பின் வைக்கவோ , புறமுதுகிடவோ மாட்டார்கள் , இதற்கு சான்றாக விளங்கியதால் சான்றோர் எனப்பட்டனர் . சேரனின் போர்ப்படை வென்று(கிரேக்கம் வென்று )" இமயத்தடக்கிய சேரன்" என்று சிலப்பதிகாரமும் , பின் நாகரீகத்தில் பிறந்தவன் நாடான் , அவன் கள்ளையும், பதநீரையும் ,பனம்பால்(அக்கானி) கொடுத்து வளர்க்கப்பட்டவன். சான்றோர் இன நாடான் என அகிலத்திரட்டு அம்மானையும் கூறுகிறது .
பழைய வரலாற்றுகளிலே . சங்க இலக்கியங்களிலே வெற்றிவேண்டி போர் தொடுத்து செல்லும் வேந்தர்கள் தங்கள் வெற்றிக்காய் கொற்றவை தெய்வத்தை(பத்திரகாளியை) வேண்டிகொண்டனர் . கொற்றவையை வெற்றிதேவதயாக வழிபட்டனர். தங்கள் நாடார் குலத்தை பனம்பால் கொடுத்து வளர்த்த கொற்றவையை இவ்வூர் மக்கள் தங்கள் குலதெய்வமாககொண்டு வழிபட்டு அன்று வாழ்ந்திருந்தார்கள் . இத்தகவலை பெயர் தெரியாத ஒரு புலவர் எந்த நாளிலோ எழுதி வில்லுப்பட்டுகளில் பாடிவந்த பாடலான

   "கட்ட கட்ட உச்ச நேரம்"
   காளியம்மா வாற நேரம்
                                 பொட்டகுளத்து இசக்கி யம்மை
                                 பொழுதடைய வாற நேரம்"

புத்தனாறு

என்ற வரிகளால் தெரிய வருகிறது . இதிலிருந்து கூழக்கடை பக்கமுள்ள மக்கள் பொட்டைகுளக்கரையில் காளி (கொற்றவை) கோயில் இருந்ததாகவும் அங்கிருந்த மக்கள் காளியை குல தெய்வமாக கொண்டு வழிபட்டதும் தெரிய வருகிறது .
(இப்பாடல் மீட் நினைவு ஆலய 150 வது விழா மலரில் பக்கம் 44 ல் இடம்பெற்றுள்ளது).

ஆனால் கி. பி. 1818 ல் பண்டைய வேணாட்டில் இன்றைய குமரி மாவட்டத்தில் மயிலாடியை மையமாக கொண்டு திருதொண்டாற்ற சங். சார்லஸ் மீட் அவர்கள் வந்தார்கள் .திருவிதாங்கூர் ஆட்சியாளர்களால் தாழ்த்தப்பட்டு அடிமைபடுத்தபட்டு கிடந்த நாடார் குலத் தமிழர்களின் விடுதலைக்காய் தோள்சீலை போராட்டத்தை நடத்தியவரும் , ஆட்சியாளர்களின் அனுமதியால் நாகர்கோயில் நீதிமன்றத்தில் நீதிபதியாக இருந்தவரும் , இன்று நாகர்கோயிலில் தன்னாட்சி கல்லூரியாக (autonomouse college )ஆக வளர்ந்திருக்கும் scott christian college - அன்று ஆரம்ப பாடசாலையாக ஆரம்பித்தவரும் ,1828 ல் நெய்யூரை தலைமையிடமாககொண்டு செயல் பட்ட நெய்யூர் மருத்துவமனையை நிறுவியவருமான மேலே குறிப்பிட்ட சார்லஸ் மீட் ஐயர் அவர்கள் 1830 ல் கிறிஸ்தவ நற்செய்தியை தெரிவிக்கும் படி கொற்றவையை வழிபட்ட மக்கள் வாழ்ந்த கொற்றிகோட்டிற்கு வந்தார் . அவர் அவர்களிடம் கிறிஸ்தவத்தை போதித்து திருத்தொண்டாற்றினார் அவரது போதனையால் தங்கள் குல வழிபாட்டை விட்டு ,இயேசு கிறிஸ்துவை ஏற்றுகொண்ட மக்கள் , தங்கள் குல தெய்வ சிலையையும் , வஸ்திரங்களையும் ,பூததடிகளையும் , கிலுக்குமணியையும் சார்லஸ் மீட் அவர்களிடம் ஒப்படைத்தனர் .

அவைகளை பெற்று கொண்ட மீட் ஐயர் அவர்கள் , அவற்றை லண்டனில் உள்ள ஆஸ்டின் பிரேயர்ஸ் என்ற பொருட்காட்சி சாலைக்கு அனுப்பி வைத்து விட்டு கொற்றவை தெய்வ வழிபாட்டிற்கு ஒரு கோடு போட்டு நிறுத்திவிட்டு கொற்றிகோடு குளத்திற்கும் பொட்டைகுழி குளத்திற்கும் இடைப்பட்ட பகுதியான சீனிவிளையில் ஓர் கிறிஸ்தவ ஆலயத்தை கட்டி , கிறிஸ்தவ சமயதொண்டும், அங்கு ஓர் பாடசாலையை கட்டி கல்வியறிவு புகட்டி , சமுதயதொண்டும் ஆற்றி அச்சமுதாயத்தை வளர்ச்சி பாதைக்கு எடுத்து சென்றார் . அவர் வைத்த" கொற்றவைகோடு" காலபழக்கத்தில் மருவி "கொற்றிகோடு " ஆக மாறியது . இவ்வாறாக கொற்றிகோடு பெயர் பிரபலமாகி இன்று வெற்றிகள் பல குவிக்கும் கொற்றிகோடாக மாறி வெற்றிகள் குவித்துகொண்டிருக்கிறது .மீட் ஐயர் தன் குறிப்பில் "KOTTICODE IS THE HEAVEN OF SOUTH TRAVANCORE "என்று குறிப்பிட்டுள்ளபடி மேன்மை பெற்று திகழ்கிறது .

எழுதியவர் : உலக தமிழ் எழுத்தாளர் கொற்றை இ . ஞானதாஸ் (+919944373580)
கொற்றிகோடு குமாரபுரம் அஞ்சல்

பதிவு செய்தவர் : ஜே.டி .சிபி டேவிட

இரண்டு கால்களும் இழந்த நிலையில் உதவி வேண்டி

2011-01-24T21:46:00.001+05:30

கடந்த ஜூலை மாதம் கேரளாவிற்கு வாகனத்தில் மாற்று ஓட்டுனராக சென்று கொண்டிருந்த வேளையில் கோட்டயம் அருகே ஏற்பட்ட விபத்தில் இரண்டு கால்களையும் இழந்தார் சதீஷ் . இவர் குமரி மாவட்டம் கொற்றிகோடு பகுதியில் காலம் சென்ற நெல்சன் அவர்கள் மகன். 24 வயது நிரம்பிய இவர் மிகவும் சுறு சுறுப்பான செயல் பாடு உடையவர் . அந்த விபத்து நடந்த பின்னர் கோட்டையம் மருத்துவ மனையில் சிகிச்சைக்கு அனுமதித்த போது இரண்டு கால்களும் செயல் இழந்து விட்டது என்று மருத்துவர்கள் தெரிவித்தனர் அதன் பேரில் தொடை பகுதியிலிருந்து இரண்டு கால்களும் எடுக்க பட்டது .

பின்னர் நாகர் கோவிலில் பிராங்கிளின் மருத்துவ மனையில் ஒரு மாதத்திற்கு மேல் சிகிச்சை எடுத்தார் . ஏழை குடும்பம் என்பதாலும் தந்தை இல்லாததாலும் மருத்துவ செலவுகளுக்கு மிக சிரம படுகிறார்கள். அண்ணன் தம்பிகளால் ஆறு லட்சத்திற்கு மேல் செலவு செய்து இப்போது ஹைட்ராலிக் முறையிலான கால சென்னையில் ஒரு மருத்துவ மனையிலிருந்து பொருத்த பட்டு இன்று காலை வீட்டிற்கு வந்து சேர்ந்திருக்கிறார்.

எப்படி தான் செயற்கை கால மாட்டினாலும் சொந்த கால் போல் வராது . இனி எந்த அளவிற்கு உழைத்து வாழ்வில் முன்னேற முடியும் என்பதே கேள்வி குறியாக உள்ளது . மருத்துவ மனையில் சென்று பார்த்த போது என்ன மனமுடைந்து போய் விட்டேன் . என்ன வார்த்தைகள் சொல்லி ஆறுதல் சொல்வது என்றே தெரியாமல் இருந்தேன் . மறுமுறை சென்று பார்க்கவே முடியாத படி மனம் வலிக்கிறது . தன்னுடைய எதிர்காலம் எப்படி இருக்கும் என்று வெளியில் காட்டாமல் இருக்கும் சதீஷ் மனதிற்குள் சிந்திக்காமல் இருக்க மாட்டார் .

இந்த நிலையில் எதிர் காலத்தின் மீது ஒரு நம்பக தன்மையை மனிதாபிமான அடிப்படையில் உருவாக்க வேண்டியது நமது கடமை. எங்களோடு சேர்ந்து விளையாடிய நண்பனுக்கு எங்களால் இழந்த கால்களை கொடுக்க முடியாது ஆனால் அவன் துன்பத்தில் ஓரளவிற்கு பங்கேற்க முடியும் என நினைக்கிறோம் . இதன் அடிப்படையில் இயக்க உறுப்பினர்கள் ஒவ்வருவரும் தங்களால் இயன்ற பணத்தை தரலாம் என வாக்குறுதி தந்திருக்கிறார்கள் . நமது ஊரை சேர்ந்த பலர் இன்று வெளியூர்களில் நல்ல நிலையில் இருக்கிறீர்கள் நீங்களும் எங்களோடு சதீஷின் துன்பத்தில் பங்கெடுக்க விரும்பினால் உங்களால் முடிந்த பண உதவியை செய்யுங்கள் என கேட்டு கொள்கிறோம் .

இந்த பதிவை படிக்கும் மனிதாபிமான மிக்க நீங்கள் ஒவ்வருவரும் உதவ நினைத்தால் உங்கள் உதவிகளை தாராளமாக ஏற்று கொள்வோம் . இந்த பணம் வாழ்க்கை முழுவதும் பயன் பட வில்லைஎன்றாலும் மனம் ஒடிந்து இருக்கும் சதீஷ் க்கு ஒரு சிறிய ஆறுதலாக இருக்கும் என்பதில் சந்தேகம் இல்லை . உங்கள் உதவிகளை எதிர்பார்த்து இருக்கிறோம் . உங்களால எவ்வளவு பணம் கொடுக்க முடியும் என்பதையும் இதே பதிவில் கருத்து பெட்டி வாயிலாக தெரிவித்தால் மற்றவர்களும் தெரிந்து மேலும் உதவிகள் செய்ய வாய்ப்பாக இருக்கும் . அப்படி தெரிவிக்க வேண்டாம் என நினைப்பவர்கள் admin@kotticode.com என்ற மின்னஞ்சல் முகவரியில் தெரிவிக்கலாம் . எவ்வளவு பணத்தொகை பிரிக்க படுகிறதோ அந்த விபரங்களும் சதீஷிடம் அந்த பணத்தை ஒப்படைக்கும் விபரங்களும் சரியான நேரத்தில் தெரிவிக்க படும் .

உதவி செய்பவர்கள் தொடர்புக்கு

admin@kotticode.com

R.Jenifer

Club treasurer Kotticode Lucky Star Sports club

Mobile No. +919629949445

இலக்கிய சாதனையாளர் குமரி ஆதவன்

2011-01-19T21:06:00.002+05:30

முக்கடலும் சங்கமிக்கும் குமரி எல்லையில் மலைகளின் மடியில் தவழும் கொற்றிகொட்டிற்கு பெருமை சேர்த்து கொண்டிருக்கும் கவிஞர் தான் குமரி ஆதவன் . ஜெஸ்டின் பிரான்சிஸ் என்னும் இயற்பெயர் கொண்ட இவர் தமிழகத்தில் மிகவும் பிரபலமான் புனித மரிய கொரற்றி மேல் நிலை பள்ளியில் கணித ஆசிரியராக பணியாற்றி கூடவே தமிழுக்கும் தொண்டாற்றி வருகிறார் . இவரை பற்றிய ஒரு சிறு அறிமுகம் தான் இந்த பதிவு .

இலக்கியத்திற்கும் பெருமை சேர்த்தவர்கள் பலர் உருவாகிய ஊர் தான் கொற்றிகோடு . அந்த வகையில் சாதனையாளராக குமரி ஆதவனை அறிமுக படுத்துவதில் கொற்றிகோடு இணைய குழு பெருமை அடைகிறது . 04 ஆகஸ்ட் 1970 ஆண்டு பிறந்த இவர் சிறு வயது முதலே பேச்சில் சிறந்து விளங்கியவர் . அமுத சுரபி கலை இலக்கிய பேரவை செயலாளராக இருக்கும் இவர் மேடை பேச்சுகளிலும் பட்டி மன்ற பேச்சுகளிலும் சிறந்து விளங்குபவர். தமிழாலயம் , தமிழ்நாடு முற்போக்கு எழுத்தாளர் சங்கம் , களரி பண்பாட்டு ஆய்வு மையம் , தமிழ்நாடு அறிவியல் கழகம் போன்றவைகளில் உறுப்பினர்களாகவும் பொறுப்பாளராகவும் இயக்க பணிகளை சிறப்பாக செய்து வருகிறார் .

சன் டிவி அரட்டை அரங்கத்தில் இரண்டு முறை கலந்து கொண்டு முதன்மை பேச்சாளராக அனைவருடைய பாராட்டையும் பெற்றார் . முதல் முறை வரலாற்று சிறப்பு மிக்க குமரி மாவட்ட நாடார்களுக்கு ஏற்பட்ட தீண்டாமை கொடுமையை எதிர்த்து போராட காரணமான நிகழ்வான தாலி அறுத்தான் சந்தை நிகழ்ச்சியை மிக அருமையாக பதிவு செய்தது அனைவரையும் மெய் சிலிர்க்க வைத்தது .

இவருடைய எழுத்துக்களும் பேச்சுக்களும் சமூக நோக்கு கொண்டதாக இருக்கும் . இவருடைய' சிகரம் தொடு " என்ற கவிதை ஸ்காட் கிறிஸ்தவ கல்லூரி முதலாம் ஆண்டு மாணவர்களுக்கு பாடமாக உள்ளது . நதி ஓடி கொண்டிருக்கிறது என்ற சிறந்த ஆவண குறும்படத்திற்கு எழுத்து இயக்கம் போன்ற பணிகளை செய்திருக்கிறார் . கன்னியாகுமரி என்ற திரைப்படத்திற்கு இரண்டு பாடல்களை எழுதியுள்ளார் . "இனியொரு சுதந்திரம் " என்ற விழிப்புணர்வு ஒலி நாடாவிற்கும் "இராக தீபம் " என்னும் பாரத நாட்டிய ஒலி நாடாவிற்கும் பாடல்களை எழுதியுள்ள இவர் ஐம்பதிற்கும் மேற்பட்ட நாடக மேடைகளில் நடித்துள்ளார் , கருத்தரங்க மேடைகள் , தொலைக்காட்சி நிகழ்ச்சிகள் போன்றவற்றில் பங்கேற்றுள்ளார் .

இலக்கிய சாதனையாளர் , நல் நூல் விருது போன்ற இன்னும் பல விருதுகள் பெற்ற இவரது படைப்புகளை ஆய்வு செய்து பல மாணவ மாணவிகள் முனைவர் பட்டம் பெற்றுள்ளனர் என்பது குறிப்பிட தக்கது . இவருடைய ஆய்வு கட்டுரைகளில் காமராஜர் விருது நகர் மக்களால் தோற்கடிக்க பட்டு பின்னர் குமரி மாவட்ட நாகர் கோயில் தொகுதி மக்களால் நாடாளுமன்றத்திற்கு அனுப்பியதை பற்றி "அப்பச்சி தேர்தல் " என்ற தலைப்பில் ஆய்வு கட்டுரை எழுதியுள்ளார் . இதே போன்று கிராமிய விளையாட்டுகள் , மண்ணும் கலையும், உடைந்து வரும் குடும்ப உறவுகள் என்பன போன்று ஏழு ஆய்வு கட்டுரைகள் எழுதியுள்ளார் .

தென்னொலி , யுகசக்தி , உதய தாரகை போன்ற இதழ்களில் துணை ஆசிரியராக இருக்கும் இவர் இதுவரை கவிதை , கட்டுரை, நாவல் என்று பதினொன்று புத்தகங்கள் எழுதியுள்ளார் . கொற்றிகோட்டின் சாதனையாளராகிய குமரி ஆதவன் அவர்கள் இலக்கிய பணியில் இன்னும் பல சாதனைகள் படைத்து தமிழுக்கு தொண்டாற்ற வேண்டும் என கொற்றிகோடு மக்களை சார்பாகவும் கொற்றிகோடு இணைய குழு சார்பாகவும் வாழ்த்துகிறோம் .

குமரி ஆதவன் நூல்கள்

ரத்தம் சிந்தும் தேசம் (கவிதை -1999)
எரிதழல் கொண்டு வா ( கவிதை -2003)
குருதியில் பூத்த மலர் ( வாழ்க்கை வரலாறு 2003 )
அறிக பாசிசம் (வரலாற்று ஆய்வு நூல் 2003 )
அருமை மகளே ( கவிதை 2005)
குலை குலையா முந்திரிக்கா ஆய்வு நூல் (2007)
ஆதவன் பதில்கள் (2008)
பேரறிஞர்களுடன் (2010)
ஒரு தமிழ் சிற்பியின் வாழ்க்கை பயணம் ( வாழ்க்கை வரலாறு 2010 )
தெற்கில் விழுந்த விதை (தேவ சகாயம் பிள்ளை வாழ்க்கை வரலாறு 2010)
என் கேள்விக்கென்ன பதில் (2010)

முகவரி

10-113, செபஸ்டியான் இல்லம்

குமாரபுரம் அஞ்சல்

குமரி மாவட்டம்

04651-289391, 9442303783

நன்றி : சிபி டேவிட்

கொற்றிகோட்டை கலக்கிய லக்கி ஸ்டார் மகிழ்ச்சி விழா

2011-01-02T22:50:00.001+05:30

ஆண்டு தோறும் டிசம்பர் கடைசி நாளும் ஜனவரி முதல் நாளும் இயக்க ஆண்டு நிறைவு விழாவும் அடுத்த ஆண்டின் துவக்க விழாவும் கொண்டாடுவது வழக்கம் . அதே போல் இந்த ஆண்டும் மிக சிறப்பாக இந்த இரு விழாக்களும் நடந்தேறின. கடந்த பன்னிரண்டு ஆண்டுகளாக இந்த இயக்கம் இளைஞர்களுக்கு விளையாட்டு , சமூக சேவைகள் செய்து வருகிறது. இடையிடையே பல்வேறு பிரச்சனைகள் போட்டி பொறாமைகள் சந்தித்த பின்னரும் மனம் தளராமல் இயக்க உறுப்பினர்களின் மன உறுதியோடு பன்னிரெண்டாவது ஆண்டை வெற்றிகரமாக நடத்தி பதிமூன்றாவது ஆண்டுக்குள் அடியெடுத்து வைத்திருக்கிறது.

கபடி, கிரிக்கெட் , கைபந்து போன்ற விளையாட்டு வீரர்களை கொண்ட எமது இயக்கம் இந்த விளையாட்டு போட்டிகளை ஆண்டு விழாவின் போது மாவட்ட அளவிலான அணிகள் பங்கு பெறும் விளையாட்டு போட்டியாக நடத்தியது . இதில் கன்யா குமரி மாவட்டத்தில் பிரபலமான பல அணிகள் பங்குபெற்றது இன்னும் இந்த போட்டிக்கு மெருகூட்டியது. அது மட்டுமல்லாது ஒரு நபர் பங்கேற்கும் விளையாட்டு போட்டிகளான மாரத்தான் ஓட்ட பந்தயம், நீளம் தாண்டுதல் , குண்டு எறிதல் போன்ற விளையாட்டு போட்டிகளை நடத்தி வெற்றி பெற்ற வீரர்களுக்கு சான்றிதழோடு கூடிய கோப்பையும் பரிசு பொருட்களும் வழங்க பட்டன.

பொதுமக்களை மகிழ்விக்கும் விதமாக வழுக்கு மரம் ஏறும் போட்டி நடத்த பட்டது . இதில் வீரர்கள் ஏறி ஏறி வழுக்கி வருவதும் மீண்டும் ஏற முயற்சிப்பதுமகாக பார்வையாளர்களை மகிழ்ச்சியில் ஆழ்த்தியது. பார்வையாளர்கள் மிகவும் உற்சாகத்தோடு வீரர்களை ஊக்குவித்தனர். எந்த ஒரு இயக்கமும் பொதுமக்களின் ஒத்துழைப்பு இல்லாமல் வெற்றிகரமாக நடத்த முடியாது. அதற்கு விதி விலக்கு அல்ல எமது இயக்கமும் . பொதுமக்களின் பேராதரவோடு பன்னிரண்டு ஆண்டுகளை கடந்து விட்ட்டது .

நாளைய தலைமுறையும் விளையாட்டில் பங்குபெற வேண்டும் என சிறுவர் சிறுமிகளுக்கான விளையாட்டு போட்டிகள் நடத்த பட்டது . இந்த போட்டிகளால் பெற்றோர்கள் மத்தியில் மிகுந்த மகிழ்ச்சி ஏற்பட்டதை காண முடிந்தது. சிறுவர்களுக்கான அதாவது பதினான்கு வயதிற்குட்டபட்ட சிறுவர்களுக்கான கபடி போட்டி காண வந்த அனைவரையும் ரசிக்க வைத்தது.

என்னமா வழுக்கு மரம் ஏறுறாங்க

இந்த இயக்கத்தில் விளையாட வந்து உடல் திறனை வளர்த்து கொண்ட பலர் இன்று இந்திய ராணுவத்திலும் தமிழ்நாடு காவல் துறையிலும் இணைந்துள்ளனர் என்பதை இந்த போதுகூட்ட்டத்தில் சிறப்பு விருந்தினர்களாக வந்தவர்கள் வெகுவாக பாராட்டினர். இயக்கம் செய்து வருகிற சமூக சேவைகளையும் , இனி இயக்கம் இன்னும் என்ன செய்ய வேண்டும் என்ற அறிவுரைகளையும் வந்திருந்த பெரியோர்களால் இளைஞர்களுக்கு செய்தியாக தெரிவிக்க பட்டது. போதுக்கூட்ட்டத்தின் இடையிடையே கலை நிகழ்ச்சிகள் நடத்த பட்டன . இறுதியில் இன்னின்சை கச்சேரி நடத்தி இனிதாக நிறைவுற்றது .

கொற்றிகோட்டில் கபடி திருவிழா...

2010-12-31T18:10:00.005+05:30

லக்கி ஸ்டார் ஸ்போர்ட்ஸ் கிளப்பின் 12 வது நிறைவு விழாவை முன்னிட்டு பல நிகழ்வுகள் நடந்தன.அதில் முக்கியமாக கன்னியாகுமரி மாவட்ட அழவிலான மாபெரும் கபடி போட்டியானது மிகவும் பிரமாண்டமாக நடைபெற்றது.

இந்த மாபெரும் கபடி போட்டியில் 20 மேற்பட்ட மாவட்ட அழவில் முன்னணி அணிகள் பங்கேற்றன.

                       மிகுந்த எதிர்பார்ப்புகளுடன் நடந்த இந்த கபடி போட்டியினை காண ரசிகர்கள் பலர் குவிந்திருந்தனர்.ஆடுகளம் அனல் பரக்க நடந்த இந்த கபடி போட்டியின் இறுதியில்,மாவட்டத்தின் மிக சிறந்த அணியான அழத்தன்கரை அணி முதற்பரிசை தட்டி சென்றது.போட்டியின் முடிவுகள் பின் வருமாறு,

   முதல் பரிசு - அளத்தன்கரை B

   இரண்டாவது பரிசு - மூலச்சல்
                   மூன்றாவது பரிசு    -    அழத்தன்கரை A ,

                   நான்காவது பரிசு    -   கணபதிபுரம்.

இந்த போட்டியினை மிகவும் நல்ல முறையில் நடத்தி தந்த,குமரி கபடி கழக நிர்வாகிகழுக்கும்,பார்த்து ரசித்த ரசிக பெருமக்களுக்கும்,லக்கி ஸ்டார் ஸ்போர்ட்ஸ் கிளப்பின் சார்பாக நன்றியை தெரிவித்து கொள்கிறோம்.

லக்கி ஸ்டார் ஸ்போர்ட்ஸ் கிளப்பின் 12 வது ஆண்டு நிறைவு விழா...

2010-12-31T14:22:00.005+05:30

                   பொதுவாக டிசம்பர் 31 மற்றும் ஜனவரி 1 என்றாலே,ஆண்டின் இறுதி நாளும் வருடத்தின் துவக்க நாளும் தான் ஞாபகம் வரும்.

               ஆனால் கொற்றிகோடு பகுதியில்,இந்த இரு தினங்கள் வரும் போது ஞாபகம் வருவது லக்கி ஸ்டார் ஸ்போர்ட்ஸ் கிளப்பின் ஆண்டு விழா தான்.

              லக்கி ஸ்டார் ஸ்போர்ட்ஸ் கிளப்பானது,கொற்றிகோடு மட்டுமல்லாது கன்னியாகுமரி மாவட்டத்தில் உள்ள அனைவராலும் பேசப்படும் அழவிற்கு இன்று உயர்ந்து உள்ளது.எதனை பிரச்சனை வந்தாலும் அதை தாண்டி வெற்றி பெறுவதே கிளப்பின் தாரக மந்திரம்.

இப்படியாக இன்றைய தினம் தன்னுடைய 12 வது வயதை வெற்றி கரமாக பூர்த்தி செய்கிறது லக்கி ஸ்டார் ஸ்போர்ட்ஸ் கிளப்.இன்று காலை ஆண்டு விழாவை முன்னிட்டு கொற்றிகோடு பகுதியே விழா கோலம் பூண்டுள்ளது.

காலை 7 மணிக்கு ஜோதி ஓட்டமானது,மிகவும் சிறப்பாக நடந்து முடிந்தது.

இப்போது கன்னியாகுமரி மாவட்ட அழவிலான கபடியானது மிகவும் விறு விறுப்பாக நடந்து கொண்டிருக்கிறது.

கிளப்பின் அனைத்து நிகழ்வுகளின் அட்டவணையையும் அடுத்த பதிவில் காணலாம்.

பலத்த இழுபறிக்கு பின்னர் ஆலயம் கட்டி முடிக்க பட்டது

2010-12-28T12:02:00.001+05:30

கடந்த 40 ஆண்டுகளுக்கு முன்னர் கட்டி தொழுகை நடத்தி வந்த ஆலயம் பெரிது படுத்த முயற்சித்த போது சில நபர்களால் ஏற்பட்ட இடையூறுகளால் வழக்கு நீதி மன்றம் சென்றது பின்னர் நீதிமன்றம் வாயிலாக உத்தரவு வாங்கி வந்த பின்னரும் சில நபர்கள் பிரச்சனையை பெரிது படுத்தி நீதிமன்ற உத்தரவை செயல் படுத்த விடாமல் தடுக்க முயற்சித்தனர். பல கட்ட பேச்சுவார்த்தைகளுக்கு பின்னர் இன்று காவல்துறையினரின் பாதுகாப்போடு கட்டி முடிக்க பட்டது.

குமரி மாவட்டம் கல்குளம் தாலுகா கொற்றிகோடு காவல் நிலையத்திற்கு உட்பட்ட குமாரபுரம் பகுதியில் எரிச்சமா மூட்டு விளை என்னும் இடத்தில் தான் இந்த ஆலயம் அமைந்துள்ளது . 40 ஆண்டு காலமாக செயல் பட்ட ஆலயத்தை சிலர் குமரி மாவட்டத்தில் நடைபெற்ற மதகலவரத்தையும் அதன் பின்னர் ஏற்படுத்திய ஆய்வு கமிசனையும் அவர்களுக்கு சாதகமாக்கி ஏற்கனவே நடைபெற்று வந்த ஆலயத்தை மாற்ற திட்டமிட்டு இத்தனை நாளும் தடுத்து நிறுத்தினர் .

இப்போது கூட இந்த நீதி மன்ற உத்தரவு கிடைத்த பின்னரும் தடுக்க முயற்சி செய்தனர். முதலில் காவல் துறையினர் ஒத்துழைப்பு தராமல் இழுத்தடித்தே வந்தனர். மக்கள் ஓன்று பட்டு ஆலயம் கட்டியே தீர வேண்டும் என்ற முடிவில் உறுதியாக நின்று போராடிய பின்னர் மாவட்ட ஆட்சி தலைவர் காவல்துறை அதிகாரிகள் முன் நடந்த பல கட்ட பேச்சுவார்த்தைகள் நடந்தன. ஒரு வழியாக பேச்சு வார்த்தை முடிந்து பின்னர் இன்று பலத்த காவல் துறை பாதுகாப்போடு மேற் கூரை கட்ட பட்டது. முதலில் காவல் துறையினர் அக்கறை காட்ட வில்லை என்றாலும் பின்னர் மிகுந்த ஒத்துழைப்பு தந்தனர். எந்த வித அசம்பாவித சம்பவங்களும் நடைபெறாமல் சுமூகமான முறையில் கட்டி முடிக்க உதவிய காவல் துறை அதிகாரிகளுக்கும் , மாவட்ட நிர்வாகத்திற்கும் கொற்றிகோடு மக்கள் சார்பாக நன்றிகளை தெரிவித்து கொள்கிறோம்.

மற்றும் பல ஆண்டுகளாக நடந்து வந்த பிரச்சனையில் ஆக்க பூர்வமான நடவடிக்கை எடுத்த கொற்றிகோடு சபை கமிட்டி அங்கத்தினர்கள் அனைவருக்கும் கொற்றிகோடு மக்கள் சார்பாக பாராட்டுக்கள் .

பட்டா நிலத்தில் கோயில் மேற்கூரை அமைத்த கிறிஸ்தவ நிர்வாகிகளை தடுத்த காவல் துறையினர்

2010-12-24T14:59:00.000+05:30

குமரி மாவட்டம் கொற்றிகோடு காவல் நிலையத்திற்கு உட்பட்ட எரிச்சமா மூட்டு விளை என்னும் பகுதியில் குமரி மாவட்ட தென்னிந்திய திருச்சபைக்கு சொந்தமான இடத்தில் அதே பகுதியை சேர்ந்த C.S.I கிறிஸ்தவர்கள் சிறிய ஓலை கூரையிலான கோயில் கட்டி பல வழிபாடு நடத்தி வருகின்றனர். பின்னர் பெரிதாக கோயிலை கட்ட அனுமதி முயற்சித்த போது சிலரது தூண்டுதலால் அனுமதி மறுக்க பட்டது.

ஏற்கனவே ஒரு பழைய கோயில் இருந்து அதை பெரிது படுத்த முயற்சித்த போது அதே பகுதியை சேர்ந்த சிலரால் பிரச்னை வந்திருக்கிறது. பின்னர் கொற்றிகோடு சபை நிர்வாகிகள் நீதிமன்றத்தை நாடியிருக்கின்றனர். கிறிஸ்தவ மக்களுக்கு ஆதரவாக நீதிமன்ற ஆணை பிறப்பிக்கப்பட்டுள்ளதாக தெரிகிறது. இந்நிலையில் நேற்று கோயிலின் மேற்கூரை கட்டும் பணியை தொடங்கியிருக்கிறார்கள் . அப்போது அதே பகுதியை சேர்ந்த சிலர் பிரச்னை செய்ததாக தெரிகிறது. பின்னர் காவல் துறையினர் அந்த பகுதியில் முகாமிட்டு மேற்படி பிரச்னை ஏற்படாதவாறு காவல் காத்து கொண்டிருக்கின்றனர்.

இதனால் மேற்கூரை கட்டும் பணியும் தடைபட்டுள்ளது. குமரி மாவட்டத்தில் பல ஆண்டுகளுக்கு முன்னர் நடைபெற்ற மத கலவரத்தை அடுத்து அமைக்க பட்ட ஆய்வு கமிசன் பரிந்துரை படி புதிதாக எந்த ஆலயமும் மற்ற மத வழிபாட்டு இடங்களுக்கு அருகாமையில் அமைய கூடாது என்பதாகும். ஆனால் இந்த எரிச்சமா மூட்டு விளையில் அமைந்துள்ள கிறிஸ்தவ வழிபாட்டு இடம் மண்டைக்காடு கலவரத்திற்கு முன்பே வழிபாடு நடத்தி வந்ததாகும் அதற்கான ஆதாரங்கள் அடிப்படையில் தான் நீதி மன்றம் உத்தரவிட்டிருக்கிறது. இருந்தும் சிலரால் திட்ட மிட்டு பிரச்னை ஏற்படுத்துவது என்பது ஏற்க தக்கதல்ல.

காவல்துறையினரும் , மாவட்ட நிர்வாகமும் அந்த பகுதி மக்களிடையே கலந்து பேசி ஒரு சுமூகமான சூழ்நிலையை ஏற்படுத்தி நீதிமன்ற உத்தரவை செயல் பட வைக்க வேண்டும் இதுவே பெரும்பாலானோரின் விருப்பமாக இருக்கிறது. கடந்த காலங்கள் போல் இல்லாமல் இப்போது அனைத்து மத மக்களும் சகோதரர்களாக பழகி வருகின்ற வேளையில் சில சமூக விரோதிகளால் தூண்டப்படும் இந்த மாதிரியான மத பிரச்சனைகளில் அரசு மிகவும் விழிப்பாக இருந்து மக்களுக்கு நியாயம் கிடைக்க வழி வகை செய்ய வேண்டும் .

கிறிஸ்து பிறப்பு புத்தாண்டு நல்வாழ்த்துக்கள்

2010-12-23T23:18:00.001+05:30

அன்பை இவ்வுலகிற்கு காண்பித்து இவ்வுலகில் மனிதனாக பிறந்து மனித வரலாற்றில் புதிய பகுதியை எழுதிய கிறிஸ்து இந்த உலகில் பிறந்த நாளை கிறிஸ்மஸ் பண்டிகையாக ஆண்டு தோறும டிசம்பர் மாதம் 25 ஆம் தேதி கிறிஸ்தவர்களால் கொண்டாடப்பட்டு வருகிறது .

ஒரு மனிதன் எவ்வாறு வாழ வேண்டும் என்ற ஒரு வாழ்க்கை முறையை தன்னுடைய போதனை மூலம் மக்களுக்கு எடுத்துரைத்து அதை தன் வாழ்க்கையிலும் வாழ்ந்து காட்டியவர். மண்ணில் சமாதானமும் மகிழ்ச்சியும் அமைதியும் நிலவ பாடுபட்டவர். மனிதர்களின் பாவங்களுக்காக தன்னையே அற்பனித்தார் இயேசு.

கிறிஸ்தவர்கள் கிறிஸ்து பிறப்பை கொண்டாடும் விதமாக புத்தாடைகள் உடுத்தி காலையில் ஆலயம் சென்று வழிபடுவார்கள் . எளிமையாக மாட்டு தொழுவத்தில் கிறிஸ்து பிறந்து மனிதர்களுக்குள் எளிமையை போதித்தார் . ஆலயங்கள் வியாபார இடங்களாக மாறுவதை கண்டு மனம் கொதித்து பொருட்களை அடித்து நொறுக்கி மத வியாபாரிகளை வெள்ளையடிக்க பட்ட கல்லறைக்கு ஒப்பிட்டார். தன்னை போல் பிறரையும் நேசி என்று அனைவரையும் சகோதரர்களாக நினைக்கும் ஒரு மன பக்குவத்தை மனித குலத்திற்கு காட்டினார் . ஒரு கன்னத்தில் அறைந்தால் மறு கன்னத்தையும் காட்டு என்று எதிரியே மனம் திரும்பும் ஒரு சகிப்பு தன்மையை இந்த உலகிற்கு காண்பித்தார் .

ஊரிலிருந்து ஒதுக்கி வைக்க பட்ட சமாரிய பெண்ணிடம் தண்ணீர் வாங்கி குடித்து ஒரு சமுதாய புரட்சி ஏற்படுத்தி அதன் மூலம் ஒடுக்க பட்ட மக்களையும் அரவணைத்து கொண்டார் . மண்ணில் உயர்ந்தவன் தாழ்ந்தவன் என்ற ஏற்ற தாழ்வற்ற நிலை உருவாக வேண்டும் என நினைத்தார் . தவறு செய்தவர்கள் திருந்தி வாழ வேண்டும் என்று மன்னிப்பை இந்த உலகிற்கு அறிமுகம் செய்தார் . ஆனால் இன்றோ மன்னிப்பு இருக்கிறது என்று தெரிந்தே தவறு செய்பவர்கள் தான் அதிகமாக் இருக்கின்றனர் .

தன்னுடைய போதனைகள் மூலமும் தன் வாழ்க்கையின் மூலமும் மனித குலத்திற்கு பேருதவி செய்த இயேசுவின் பெயரால் கிறிஸ்தவர்களாக இருக்கும் நாம் இந்த கிறிஸ்து பிறப்பு கொண்டாடும் முன் நாம் உண்மையாகவே கிறிஸ்தவத்தை பின்பற்றுகிறோமா இல்லை கடமைக்கு வேதாகமம் படிப்பது ஜெபிப்பது போல் நம் வாழ்க்கையையும் கடமைக்காக வாழ்கிறோமா ? என்பதை சிந்தித்து பார்க்க வேண்டும் . சுயநலத்திற்காக கிறிஸ்துவை நோக்கி ஜெபிக்கும் மக்கள் தான் இன்று ஏராளம். கிறிஸ்தவம் என்பது ஒரு சேவை இயக்கம் உலகில் சமதர்மம் ஏற்பட வேண்டும் என்பதுது தான் கிறிஸ்தவத்தின் நோக்கம் . கிறிஸ்து பிறந்து இரண்டாயிரம் ஆண்டுகளை தாண்டிய பின்னரும் உலகில் சமதர்மம் ஏற்பட வில்லை , மாறாக அனாதை இல்லங்கள் , முதியோர் இல்லங்கள் , கைவிடப்பட்ட மக்களாக தான் இன்றும் பலர் வாழ்ந்து வருகின்றனர் . மனிதாபிமானம் இல்லாத ஒரு உலகமாக இந்த உலகம் மாறி வருகிறது. மனித உயிர்களுக்கு விலை மதிப்பற்று வாழ்ந்து வருகிறோம் .

அநீதி அக்கிரமங்களுக்கு எதிராக குரல் கொடுத்தார் இயேசு ஆனால் இன்றோ அநீதி அக்கிரமங்களுக்கு எதிராக குரல் கொடுப்பதை விட்டு அநீதிக்கு எதிராக ஜெபித்து தங்கள் கடமையிலிருந்து விலகும் கிறிஸ்தவர்களே ஏராளம் . உண்மையான கிறிஸ்தவம் பற்றிய அறிவு கிறிஸ்தவர்கள் மத்தியில் மழுங்கி வெறுமனே அற்புதங்கள் நடக்காதா என்ற சுயநல போக்கே முன்னோக்கி நிற்கிறது . இந்த நிலை மாற வேண்டும் இயேசு கண்ட உலகம் உருவாக வேண்டும் சுயநலமற்ற , சமதர்ம , மனிதாபிமான உலகம் உருவாக கிறிஸ்து பிறப்பு நாளில் உறுதி ஏற்று செயல் பட வேண்டும் .

மீண்டும் இயேசு இந்த மண்ணில் வரும் போது நியாய தீர்ப்பு நடைபெறும் அப்போது ஒரு சாரார் வலது பக்கத்தில் இருப்பார்கள் ஒரு சாரார் இடது பக்கத்தில் இருப்பார்கள். இடது பக்கத்தில் இருப்பவர்களை பார்த்து சபிக்க பட்டவர்களே அக்கினி சூழ்ந்த நரகத்திற்கு நீங்கள் தள்ள படுவீர்கள் என்பார். பின்னர் அவர்களை பார்த்து நான் இயேசு சொல்வார் நான் நோய்வாய் பட்டிருந்தேன் என்னை நீ பார்க்க வரவில்லை , நான் ஜெயிலில் இருந்தேன் என்னை நீ பார்க்க வரவில்லை , நான் பிச்சைகாரனாக வந்தேன் எனக்கு பிச்சை போட வில்லை என்பார். அப்போது வலது பக்கத்தில் இருப்பவர்கள் கேட்பார்கள் இதெல்லாம் எப்போது நடந்தது என்று கேட்கும் போது இயேசு சொல்வார் எந்த ஒரு எளியவனுக்கு நீ இதையெல்லாம் செய்தாயோ அதை நீ எனக்கே செய்தாய் என்பார் .............................

ஆனால் இன்று நாம் மனிதாபிமனமற்றவர்களாக பரலோகத்திற்கு போவதற்காக
வெறுமனே ஜெபித்து கொண்டிருக்கிறோம் ......... சிந்திப்போம் இந்த நாளில்.

அனைவருக்கும் கிறிஸ்து பிறப்பு புத்தாண்டு நல வாழ்த்துக்கள் வரும் ஆண்டு கிறிஸ்து விரும்பிய ஆண்டாக அமைய வாழ்த்துவோம் புத்தாண்டை வரவேற்போம் .

குமரி மாவட்டத்தில் பெருகி வரும் வரதட்சனைகள்

2010-12-17T18:47:00.002+05:30

குமரி மாவட்டம் தமிழகத்திலேயே கல்வியறிவு அதிகமான மாவட்டமாக திகழ்ந்து வருகிறது . இங்கு கிறிஸ்தவர்கள் அதிகமாக காணப்படுகிறார்கள். அதே போல் தமிழகத்திலேயே அதிகமாக வரதட்சணை கொடுக்கும் மாவட்டமும் இந்த குமரி மாவட்டம் தான். இங்கு வரதட்சணையினால் அதிகம் பெண்கள் பாதிக்க படுகின்றனர். திருமணத்திற்காக வட்டிக்கு பணம் வாங்கி பின்னர் அதை திருப்பி செலுத்த முடியாமல் அவதி படும் மக்கள் ஏராளம் . ஒரு காலத்தில் பல லட்சங்களாக இருந்த வரதட்சணைகள் இன்று கோடிகளாக ஆகி விட்டது .

மருத்துவம் படிப்பு படித்த மாப்பிள்ளை பார்க்க வேண்டுமென்றால் கோடிகள் கொடுக்க வேண்டும் . வரதட்சணை வாங்க வேண்டும் என்ற மனநிலை இந்த மாவட்டத்தில் பெரும்பால்னான பெற்றோர்கள் மத்தியில் காணப்படுகிறது. குறிப்பாக தங்கள் மகளுக்கு திருமணம் என்றால் குறைந்த தொகையில் மாப்பிள்ளை பார்ப்பதும் , மகனுக்கு என்றால் அதிக தொகையில் மாப்பிள்ளை பார்ப்பது என்ற நடை முறையை பெரும்பாலானோர் பின்பற்றி வருகின்றனர்.

வரதட்சணை புகார் சம்மந்தமான பல வழக்குகள் நீதிமன்றங்களில் நிலுவையில் உள்ளன . பல பெற்றோர்கள் வரதட்சணையால் தங்கள் மகள் பாதிக்க படுகிறாலே என்ற எண்ணம் இல்லாமல் மகனுக்கு அதிக வரதட்சணை பேசுபவர்களாக இருக்கின்றனர். திருமணத்தின் மூலம் ஒரு ஆண் பயனடைகிறார்களா இல்லை பெண் பயனடைகிறார்களா என்ற விவாதங்கள் தேவையற்றது ஆனால் ஒரு பெண்ணை ஒரு ஆண் திருமணம் செய்யும் போது அதற்கு தாலி தேவை படுகிறது. உண்மையில் அந்த ஆண் தான் பெண்ணை திருமணம் செய்கிறான் , அந்த ஆண் பெண்ணை தன் மனைவியாக்கி கொள்கிறான் . மாப்பிள்ளை தான் தாலி எப்படி தன் வருங்கால மனைவிக்கு அமைய வேண்டும் என்பதை முடிவு செய்கிறான். வருங்கால மனைவி திருமணத்தின் போது அந்த உடை உடுக்க வேண்டும் என ஆண் தான் தீர்மானிக்கிறான்.

இப்படி திருமணத்தின் போது உடை முதல் செருப்பு வரை ஆண் தான் திருமணம் செய்ய போகும் பெண்ணுக்கு கொண்டு செல்கிறான். திருமணம் முடித்த பின்னர் அந்த பெண் அவனுக்கு உரிமை ஆகிறாள் சொந்தம் ஆகிறாள். அந்த பெண்ணை வாழ் நாள் முழுவதும் வாழ வைக்க வேண்டியது ஆணின் கடமை ஆகிறது.

ஆனால் இன்றைய சமூகத்தில் எல்லாம் தலைகீழாக நடக்கிறது . திருமணத்திற்கு தேவையான தாலி, உடை ,செருப்பு இவை அனைத்தையும் மாப்பிள்ளை தான் கொண்டு செல்கிறான் ஆனால் அதை வாங்கிய காசு அனைத்தும் அவனுடையது அல்ல . பெண் வீட்டில் வரதட்சணையாக கொடுக்க பட்ட பணத்தில் தான் இவை அனைத்தையும் மாப்பிள்ளை வாங்கி சென்று அந்த பெண்ணை மனைவி ஆக்கி கொள்கின்றான்.

இப்படி பெண் வீட்டாரிடமிருந்து வாங்க பட்ட பணத்தில் கட்டிய தாலி எப்படி அந்த ஆணுக்கு சொந்தமாகும். ஆனால் பெண்கள் மத்தியிலும் இது சம்மந்தமான விழிப்புணர்வுகள் ஏற்படவில்லை. அவர்களும் எண் கணவர் கட்டிய தாலி , கணவர் கொண்டு வந்த சேலை என்றே எண்ணுகின்றனர். இது மட்டுமல்லாது திருமண செலவுக்கும் சேர்த்தே பெண் வீட்டிலிருந்து பணம் கொடுக்க படுகிறது.

காலம் காலமாக இதே நடை முறை தான் நடந்து வருகிறது அது இப்போது விபரீதங்களில் வந்து நிற்கிறது. பெரும்பாலும் கிறிஸ்தவ சமூகத்தில் தான் வரதட்சணை பணத்தின் மதிப்பு உயர்ந்து காணப்படுகிறது. திருமணத்திற்காக ஒரு ஆணின் உழைப்பு என்பது அறவே இல்லாமல் ஆகி விட்டது . அனால் குமரி மாவட்டத்தில் இருக்கும் இந்த பழக்கம் கிறிஸ்தவ சாமூகத்தில் இருந்து தோன்றியதல்ல தமிழகம் முழுவதும் ஆணாதிக்கம் உருவான நேரத்திலிருந்து ஏற்பட்ட பழக்கம் இப்போது கிறிஸ்தவ சமூகத்தில் வேரூன்றி நிற்கிறது . இதை பற்றி பெற்றோர்கள் சிந்திப்பதில்லை மகளுக்கு 5 லட்சம் வரதட்சணை கொடுத்தால் மகனுக்கு 10 லட்சம் வாங்கி விடலாம் என்ற தைரியம் .

இந்த வரதட்சணையின் விளைவாக பெண்களுக்கு தங்கள் படிப்பிற்கு ஏற்ற ஆணை திருமணம் செய்து வைக்க முடியாமல் பல பெற்றோர்கள் தவிக்கின்றனர். இந்த நிலை மாற வேண்டுமானால் இனி வரும் ஆண் சமுதாயம் பெண்ணுக்கு தாலி கட்டுவது என் செலவில் தான் கட்டுவேன் என்ற உறுதி எடுத்தி இளைஞர்கள் மத்தியில் விழிப்புணர்வு ஏற்பட்டால் மட்டுமே இந்த வரதட்சணைகள் குறையும் . இதில் முக்கியமாக கவனிக்க வேண்டியது என்னவென்றால் சகோதரிகளை திருமணம் செய்து கொடுத்த கடனை இன்னும் திருப்பி அடைக்க முடியாமல் வயது தாண்டியும் திருமணம் செய்யாமல் இருக்கும் ஆண்கள் இங்கே ஏராளம் இருக்கின்றனர் அல்லது வயதான தாய் தந்தைகளிடம் கடன்களை விட்டு விட்டு அவர்களை பிரிந்த ஆண்களும் ஏராளம் .

ஆண்களே வெட்கமில்லாமல் பெண்ணிடமே பணம் வாங்கி அந்த பணத்தில் பெண்ணுக்கு தாலி வாங்காதீர்கள. அதற்கு பதிலாக அவர்களிடமே தாலியை வாங்கி அவர்களையே கட்டவும் செய்யலாமே ............. சிந்தியுங்கள் ......

"குமரிக்கு நடந்தது சோதனையா...?அல்லது வேதனையா..?

2010-12-09T20:57:00.000+05:30

மழை கொட்டோ
கொட்டோவெனக் கொட்டி
தீர்த்துக்கொள்ள
நினைத்துப் பார்க்க முடியாத
வண்ணம் நனைந்து விட்டாள்..குமரி..
நம் குமரி..!

சுனாமியால் பாதிக்கப்பட்டது போதாதா...!
மீண்டும் (சுனாமி)மழையின்
காரணமாக
நம் குமரி கதி கலங்கிப் போய் நிற்கிறாள்..!
இயற்கையின் கோபத்திற்கு
நம் குமரியும் தப்பவில்லை...!
குமரிக்கு இனியாவது
பாசம் காட்டுமா இயற்கை...!
விழித்துக் கொள்வோம்..!

பாசமுடன் உங்களில் ஒருவன் கிசிங்கர் பால்ராஜ்,கொற்றிகோடு (குமரி மாவட்டம்) / சென்னை. தொடர்புக்கு +91 - 9094651688

குமரி மாவட்டத்தில் கடும் மழை பொதுமக்கள் பெரும் அவதி

2010-12-08T21:08:00.000+05:30

குமரி மாவட்டத்தில் வரலாறு காணாத அளவிற்கு மிக பெரிய அளவிற்கு மழை பெய்து கொண்டிருக்கிறது . கடந்த பல ஆண்டுகளுக்கு பிறகு இந்த மழை மிக பெரிய அளவில் இருக்கிறது . பொதுமக்களின் வீடுகள் நிலங்கள் உடைமைகள் அனைத்தும் வெள்ளத்தால் அடித்து சென்றுள்ளன . சொந்த இடங்களை விட்டு மக்கள் இடம் பெயர்ந்து வருகின்றார்கள் .

மழையின் காரணமாக மாவட்ட நிர்வாகம் பள்ளி கல்லூரிகளுக்கு விடுமுறை கொடுத்துள்ளது . குமரி மாவட்டத்தின் மேற்கு பகுதிகளான பேச்சி பாறை , களியல் , திற்பரப்பு , மாத்தூர் , திருவட்டார் , குமாரபுரம் படப்ப குளம் பகுதி , சரல் விளை, கொற்றிகோடு போன்ற பகுதிகள் பெரும் பாதிப்பிற்கு உள்ளாகி உள்ளது . தக்கலை குலசேகரம் பாதையில் ஏற்பட்ட உடைப்பு காரணமாக போக்குவரத்து பாதிக்க பட்டுள்ளது .

சானல் கரைகளிலும் தாழ்வான இடங்களிலும் வசித்த மக்களின் வீடுகள் இடிந்து அவர்கள் வசிக்க முடியாத வண்ணம் மக்கள் இடம் பெயர்ந்து வருகின்றனர் .கொற்றிகோடு குமாரபுரம் பகுதிக்கு உட்பட்ட படப்ப குளம் பகுதி முழுவதும் வெள்ளத்தால் மூழ்கி விட்டது . பதினைந்திற்கும் மேற்பட்ட வீடுகள் வெள்ளத்தால் அடித்து செல்ல பட்டது . இந்த பகுதி நிலமற்ற ஏழைகளுக்கு போராட்டத்தின் வாயிலாக அரசால் வழங்க பட்ட பகுதி . இன்று மீண்டும் இந்த மக்கள் வாழ வழியின்றி நிற்கிறார்கள் . அவர்களின் வாழ்வாதாரங்கள் இழந்து பரிதாபத்தோடு நிற்கின்றனர் . தக்கலை செல்லும் வழியில் இருக்கும் சரல் விளை பகுதி மிகவும் பாதிக்க பட்டுள்ளது .

பெருஞ்சிலம்பு பகுதியில் ஏற்பட்ட வெள்ள பெருக்கால் வாழை மரங்களும் ரப்பர் மரங்களும் சாய்ந்துள்ளன . இதனால் மக்களுக்கு பலத்த இழப்பு ஏற்பட்டுள்ளது. இதே போல் குமரி மாவட்டத்தில் அனைத்து பகுதிகளும் மழையால் பாதிக்க பட்டுள்ளது . சில மாத்தூர் , மாத்தார் பகுதி மக்களுக்கு மாவட்ட நிர்வாகம் வான் வழியாக உணவு பொட்டலம் போட முடிவு செய்துள்ளது .

பேச்சி பாறை , களியல் போன்ற பகுதிகளில் படகு மூலம் மக்கள் இடம் பெயர்ந்து வருகின்றனர் .அந்த அளவிற்கு வெள்ளத்தால் பல பகுதிகள் மூழ்கி விட்டன .இதற்கு முன்னர் மழையால் 1992 ஆம் ஆண்டு இப்படி ஒரு அழிவு ஏற்பட்டுள்ளது . வீடிழந்த மக்கள் அரசின் உதவியை எதிர் பார்த்து கொண்டிருக்கின்றனர் . சேதமாகிய விளை நிலங்களுக்கான இழப்பீட்டு தொகையை அரசு தர வேண்டும் எனவும் மக்கள் மத்தியிலிருந்து கோரிக்கைகள் எழுகின்றன .மழையால் பாதித்து கொண்டிருக்கும் வேளையில் அரசு மெத்தன போக்கை கடை பிடிப்பதாகவும் மக்கள் சொல்லுகின்றனர் .

அரசு முழு வீச்சில் செயல் பட்டு வீடிழந்த மக்களை பாதுகாப்பான இடங்களில் தங்கு வசதியை ஏற்படுத்தி அவர்களுக்கு தேவையான உணவு கொடுக்க வேண்டும் என்பதே மக்களின் தற்போதைய கோரிக்கையாக இருக்கிறது .மக்களுக்கான நிவாரண பணிகளை தொண்டு நிறுவனங்களும் சில கட்சி தொண்டர்களும் முழு வீச்சில் செய்து வருகின்றனர் . இன்னும் அதிகமாக மக்கள் பணியில் இளைஞர்கள் வந்து இந்த மக்களுக்கு வேண்டிய நிவாரண உதவிகளை மனிதாபிமான அடிப்படையில் செய்ய வேண்டும் .

கொற்றிகோடு மீட் நினைவு C.S.I சபையின் கிறிஸ்து பிறப்பு நிகழ்வுகள்

2010-12-01T21:54:00.000+05:30

பொதுவாகவே குமரி மாவட்டம் கிறிஸ்தவர்கள் அதிகமாக இருப்பதால் டிசம்பர் மாதம் துவக்கத்திலே கிறிஸ்து பிறப்பு நிகழ்வுகள் துவங்கி விடும். அதே போல் கன்யாகுமரி பேராயத்திற்கு உட்பட்ட வட்டார தலைமை சபையான கொற்றிகோடு சபையில் இன்று (1-12-2010) முதல் கிறிஸ்து பிறப்பு நிகழ்வுகள் துவங்கி விட்டன .

இன்று (1-12-2010) முதல் கிறிஸ்து பிறப்பு பாடல் பவனிகள் துவங்குகின்றன . ஒவ்வெரு நாளும் ஒவ்வெரு பகுதியாக நடைபெறும் இந்த பாடல் பவனி 16 தேதி முடிவடைகிறது . வெள்ளை உடைகள் அணிந்து பாடல் குழுவினரோடு சபை போதகர்கள் மற்றும் டீக்கன்மார்களும் பாடல் பவனியில் செல்லுகின்றனர். இந்த பாடல் பவனி அனைத்து சபை அங்கத்தினர்கள் வீடுகளுக்கு சென்று கிறிஸ்து பிறப்பு வாழ்த்துக்களை சொல்வார்கள் .

டிசம்பர் 19 ஞாயிற்று கிழமை அன்றுபெரிய அளவிலான விற்பனை விழா நடை பெறவிருக்கிறது . இந்த விற்பனை விழாவில் சபை மக்கள் மட்டுமல்லாது மற்ற மக்களும் தங்கள் வசதிக்கு ஏற்றவாறு பொருட்களாகவோ, பணமாகவோ வைப்பார்கள் . சனிக்கிழமை மதியம் 2 மணியிலிருந்தே துவங்கும் பொருட்கள் வைப்பது மறுநாள் காலை 10 மணி வரை நடை பெறும் . அதற்கு பின்னரும் பொருட்களை வைக்கலாம் . அப்படி வைக்கும் பொருட்கள் பரிசு போட்டியில் இடம் பெறாது . ஒவ்வெரு பொருட்களுக்கும் முதல் இரண்டாம் பரிசு உண்டு .

குமரி பேராயத்திற்குட்பட்ட சபைகளில் ஒரு நாள் வருமானத்தில் அதிகமாக வருமானம் வருவது கொற்றிகோடு சபை என்பது குறிப்பிட தக்கது . ஒவ்வெரு ஆண்டும் இந்த விற்பனை விழாவிற்கு மற்ற சபைகளை போட்டிபோடும் அளவிற்கு மக்கள் பொருட்களை படைப்பார்கள் . காலை 10 மணி முதல் போதகர் ஜெபத்தோடு ஏலம் ஆரம்பமாகும் . அன்று மாலையே ஏலம் முடிந்து விடும் .

அதை தொடர்ந்து ஒவ்வெரு நாளும் மாலை 6 மணிக்கு ஒவ்வெரு பிரிவினர்களுக்கான நிகழ்வுகள் நடைபெறும் . கிறிஸ்து பிறப்பிற்கு முந்தின நாள் இரவு ஆயத்த ஆராதனையும் . விடியற்காலை கிறிஸ்து பிறப்பு ஆராதனையும் நடை பெறும் . 25 தேதி காலை போது விளையாட்டு போட்டிகள் நடைபெறும் . அதை தொடர்ந்து மதியம் ஓய்வு நாள் பாட சாலை மாணவ மாணவிகளுக்கான விளையாட்டு போட்டிகள் நடை பெறும் .

பின்னர் இந்த நிகழ்வுகள் ஒவ்வெரு நாளும் மாலை நடை பெற்று புத்தாண்டு ஆராதனையோடு 1 ஆம் தேதி விடியற்காலை முடிவுறும் . அனைவருக்கும் கிறிஸ்து பிறப்பு நல்வாழ்த்துக்கள் ............................

கருத்துக்கள்

2010-11-20T22:40:00.002+05:30

shibi said...

விழித்துக்கொண்டதால் தான் உயிர் பிழைத்தோம் நண்பனே.....

December 9, 2010 9:44 PM

KISINGER PAULRAJ said...

விழித்துக்கொண்டதால் தான் உயிர் பிழைத்தோம் என்றல்ல... ..இயற்கை நம்மை விட்டு வைத்து உள்ளது நண்பா!...உங்கள் விமர்சனத்திற்கு நன்றி..!.நட்புடன் கிசிங்கர் பால்ராஜ்,கொற்றிகோடு (குமரி மாவட்டம்) / சென்னை.

December 10, 2010 2:35 PM

Suresh Kumar said...

குமரிக்கு வந்த சோதனையை அருமையான வரிகளால் வர்ணித்துள்ளீர்கள் வாழ்த்துக்கள் . இயற்கை எப்போதும் ஒரே போல் இருப்பதில்லை. இயற்கை மாற்றங்கள் ஏற்படும் போது அழிவுகள், பாதிப்புகள் ஏற்பட தான் செய்யும் . பொது மக்கள் மத்தியில் விழிப்புணர்வுகள் ஏற்பட்டு இயற்கை அழிவுகளிலிருந்து நாம் எப்படி நம்மை காப்பாற்றி கொள்வது என்ற முன்னடவடிக்கைகளை மக்கள் மற்றும் அரசாங்கம் முன்னெடுத்து செயல் பட்டால் ஓரளவிற்கு அழிவிலிருந்து தப்ப முடியும் . குறிப்பாக தாழ்வான பகுதிகளில் வீடு கட்ட கூடாது என விதிகள் இருக்கிறது ஆனால் அதை யாரும் பின்பற்றுவதில்லை ......... இந்த மாதிரியான இயற்கை அழிவுகளிலிருந்து எப்படி நம்மை காப்பது சம்மந்தமான விவாதங்கள் முன்னெடுப்பதன் மூலம் விழிப்புணர்வுகளை ஏற்படுத்தலாம் .நன்றி

December 10, 2010 2:55 PM

shibi said...

தாழ்வான பகுதிகளே இல்லாமல் வாழும் மக்கள் எத்தனையோ நண்பரே

December 10, 2010 5:46 PM

KISINGER PAULRAJ said...

இயற்கைக்கு எதிராக "குமரி" என்ன... ஒரு நாள் தாழ்வான பகுதியை நோக்கி "உலகமே" போய் தான் ஆகவேண்டும் நண்பனே..!--நட்புடன் கிசிங்கர் பால்ராஜ்,கொற்றிகோடு (குமரி மாவட்டம்) / சென்னை.

December 10, 2010 6:21 PM

Suresh Kumar said...

நாம் நம்மை பாதுகாக்கும் விழிப்புணர்வு மக்கள் மத்தியில் ஏற்பட்டால் ஓரளவிற்கு இழப்பை குறைக்கலாம் . என்றோ ஒரு நாள் தாழ்வான பகுதிக்கு செல்லும் உலகத்திற்காக இப்போதே நம்மை பலி கொடுப்பது நியாயமில்லை தானே .

December 11, 2010 8:49 PM

jerin said...

பார்த்து பழகும் காலம் பருவக்காலம்...
பல்லாயிரம் இளஞர்கள் வாழ்கை அமையும் காலம்..
பட்டு போகும் காதலில் நம்மை பரவசம் அடையும் காலம்..
பருவ பெண் கண் பார்வையால் நம்மை
பாடாய் படுத்தும் காலம் பார்த்து பழகுங்கள் .
இல்லையேல் வீணா போகும் உங்கள் ஆயுட்காலம்.

December 11, 2010 9:27 PM

shibi said...

காதலில் உறைந்த காதல் கிறுக்கா..பருவ பெண்ணைப் பார்த்து ரசிக்க வேண்டிய நேரம் இல்லை இது........ நமது பருவத்தின் நமது ஊரின் பேரழிவு.. இது.... பெண்ணிடம் உருகுவதை விட்டுவிட்டு... கடவுளிடம் உருகு வரும் காலம் ஆவது..... சிறப்பாக அமைய..........

December 11, 2010 9:47 PM

jerin said...

மழையை ரசிக்கத் தெரியாதவனுக்குக் காதலையும் ரசிக்கத் தெரியாது. மழையே வராமல் கிடக்கும் நிலத்தின் வெடிப்பு. மாலை நேரத்து மெல்லிய சாரல். வெயிலோடு சேர்ந்து பொழியும் மழை. உலகத்தையே சுத்தப்படுத்தும் உன்னத மழை. மழை நின்றும் விடாத தூவானம். மழை முடிந்து வீசும் மண் வாசம். காற்று, புயல், சூறாவளியில் சிக்கினாலும் விடாது பொழியும் மழை. பெருமழையில் அடித்து செல்லப்பட்ட வீடு. மழையின் இத்தனைப் பரிமாணங்களும் காதலிலும் உண்டு. மழையிலும் சரி, காதலிலும் சரி நனையும் வரை நஷ்டமில்லை.நனையாவிட்டால் ஒரு லாபமுமில்லை. எல்லாம் உன்னிடம் சொல்ல வேண்டும், வருவாயா?
மழையில் குடை…
குடைக்குள் நாம்…
நமக்குள் மழை!
காதலிலும் மழையிலும்
நனையும் வரை சந்தோஷம்... பிற்பாடு தான் ஜலதோஷம்...
jerin hilbert kuwait

December 11, 2010 10:11 PM

ஜெரின் said...

"மழையை ரசிக்கத் தெரியாதவனுக்குக் காதலையும் ரசிக்கத் தெரியாது"
என்பது உண்மை தான்.\

ஆனால்,

உயிர் கொடுக்க வந்த காதல் இல்லை இது,

உயிர் எடுக்க வந்த காதல்...

காப்பாற்ற வந்த காதல் இல்லை இது,

கழுத்தறுக்க வந்த காதல்...

நனைந்த பின் ஜலதோஷம்....

என்று தெரிந்த பின்னும்,

எதற்காக அந்த சந்தோசத்தை அனுபவிக்க வேண்டும்.

December 12, 2010 8:23 PM

ஜெரின் said...

என்னுடைய வலைபதிவை,கொட்டிகோடு வலைபதிவில் அறிமுக படுத்தியதற்கு நன்றி சுரேஷ் அண்ணா....
www.jerin.co.in

December 12, 2010 8:25 PM

KISI said...

This post has been removed by the author.

December 13, 2010 1:49 PM

KISI said...

Hi Jerin... Thanks for the nice comment....

December 13, 2010 5:51 PM

KISI said...

மழையை ரசிக்க முடிகிறது...மண்ணால்..!
மலையை ரசிக்க முடிகிறது...கண்ணால்..!
கலையை ரசிக்க முடிகிறது...உன்னால்....!-ஆனால்
தொலைந்து போன குமரியின் பேரிழப்பை
உன்னால் ரசிக்க முடிகிறதா..!!!மனம் வலிக்கிறது....வருந்துகிறேன்.கிசிங்கர் பால்ராஜ்,கொற்றிகோடு (குமரி மாவட்டம்) / சென்னை.

December 13, 2010 6:12 PM

jerin said...

இது தேவதையின் பரிசு
யாரும் திரும்பிக்கொள்ள வேண்டாம்...
நெடுஞ்சாலையிலே நனைய
ஒருவர் சம்மதமும் வேண்டாம்
அந்த மேகம் சுரந்த பாலில்
ஏன் நனைய மறுக்கிறாய்
நீ வாழ வந்த வாழ்வில்
ஒரு பகுதி இழக்கிறாய்

December 13, 2010 7:09 PM

shibi said...

ஆமாம் இது தேவதையின் பரிசுதான்..... உண்ண உணவும், உடுக்க உடையும் இல்லாமல் விடுதிகளிலும் பள்ளிகூடங்களிலும் பிச்சைகாரர்கள் போல் நம் மக்கள் வாழ்கிறார்களே... இது நிச்சயமாக தேவதையின் பரிசுதான் நண்பா..... கவிதை அருமை கில்பர்ட் நண்பரே...........

December 14, 2010 11:43 AM

ஜெரின் said...

ஜெரின் கில்பர்ட் அவர்களே,

உங்களுடைய தேவதை தந்த பரிசு என்ன தெரியுமா?

மர்ம காய்ச்சல்...

குமரியை தாக்கிய இந்த மர்ம காய்ச்சலுக்கு,

காரணம் மழை என்று சொல்லுகிறார்களே,

அவர்களும் மழையை ரசிக்க தெரியாதவர்களா,

இல்லை,

காய்ச்சலினால் பாதிக்க பட்டார்களே,

அந்த மக்களும் மழையை ரசிக்க தெரியாதவர்களா?

உங்களுடைய கவிதை பதிலை விட்டு,

உண்மையை சிந்தித்து எழுதுங்கள்...

December 14, 2010 8:19 PM

Suresh Kumar said...

என்னையா இங்க நடக்குது இயற்கை அழிவிலிருந்து மக்களை எப்படி காப்பது என்ற விவாதம் தொடரும் என்று பார்த்தால் காதல் கத்தரிக்கா ரேஞ்சுக்கு போயிட்டிருக்கு . முறையான விவாதங்கள் எதுவுமே பலன் தராது. எனவே விவாதத்தை ஆரோக்கியமாக தொடருவோம் .

December 14, 2010 8:39 PM

shibi said...

இல்லை நண்பா இயற்கை அழிவு என்பது மாற்ற முடியாத ஒன்றுதான் ஆனால்.... அரசியல் வாதிகள் போல் அரசியல் செய்யாமல் அனுதாபத்தை யாவது தெரிவிக்கலாமே.... நான் நிலைமையை கண்கூடாக பார்த்தால் தான் இந்த ஆதங்கம்

December 14, 2010 8:47 PM

Suresh Kumar said...

குமரி மாவட்டம் இரண்டு தசாப்தங்களுக்கு பிறக்கு மழையால் பிக பெரிய பாதிப்பு ஏற்பட்டுள்ளது . வீடிழந்தோர் ஏராளம் , உணவு இன்றி தவிப்போர் ஏராளம் இதற்க்கு மத்தியில் இந்த மழையால் ஏற்பட்ட சுற்று புற சீர்கேட்டாலும் பருவ மாற்றத்தாலும் பல தோற்று நோய்கள பரவி கொண்டிருக்கிறது . அரசு உடனடியாக போர் கால நடவடிக்கைகள் எடுத்து முதலில் தோற்று நோய் பரவாமல் தடுக்க வேண்டும் . உணவு உடை இன்றி தவிப்போருக்கு தகுந்த உதவிகள் கொடுக்க பட வேண்டும் . வீடிழந்து தவிப்போருக்கு நிரந்தர வீடுகள் கட்டி கொடுக்க வேண்டும் .

December 14, 2010 8:48 PM

Suresh Kumar said...

shibi said...

இல்லை நண்பா இயற்கை அழிவு என்பது மாற்ற முடியாத ஒன்றுதான் ஆனால்.... அரசியல் வாதிகள் போல் அரசியல் செய்யாமல் அனுதாபத்தை யாவது தெரிவிக்கலாமே.... நான் நிலைமையை கண்கூடாக பார்த்தால் தான் இந்த ஆதங்கம்
//////////////////////////

உண்மை தான் இயற்கை அழிவை மாற்ற முடியாது . முன் நடவடிக்கைகள் மூலம் சிறிதளவு தற்காத்து கொள்ளலாம் . இன்று கட்டிட விதிகளை பார்க்கும் போது இயற்கை சீற்றங்களிலிருந்து பாதுக்காக்க கூடிய சட்டங்கள் இருக்கிறது . ஆனால் அதை யாரும் பின்பற்றுவதில்லை . வரைபட அனுமதி கொடுக்கும் நிர்வாகமும் சரியாக அவற்றை பார்ப்பதில்லை .

December 14, 2010 8:53 PM

எந்த வழியா கொற்றிகோட்டிற்கு வர்றது ?

2010-11-05T13:44:00.007+05:30

நாளைய காலங்களில் இணைய தளம் வழியாக தங்களுக்கு வேண்டிய தகவல்களை தெரிந்து கொள்வது மிகவும் எளிதானதாக இருக்கும் அதனடிப்படையில் கொற்றிகோடு தகவல்களை பார்க்கும் போது கொற்றிகொட்டிற்கு செல்லும் பாதைகள் பேருந்துகள் பற்றிய தகவல்கள் இருந்தால் நன்றாக இருக்கும் என்ற நோக்கத்தில் தான் இந்த பதிவு.

கொற்றிகோட்டிற்கு வரும் பாதைகள்

நாகர் கோவிலிலிருந்து வருபவர்கள் தக்கலை வழியாகவும் அழகிய மண்டபம் வழியாகவும் வரலாம். தக்கலையிலிருந்து குலசேகரம் செல்லும் பாதை வழியாக வர வேண்டும் . பத்மநாபபுரம் , மருந்து கோட்டை , சரல் விளை , முட்டைகாடு ஆகிய ஊர்கள் தாண்டி குமாரபுரம் வர வேண்டும். குமரபுரத்திலிருந்தே கொற்றிகோடு துவங்குகிறது. குமார புரத்திலிருந்து வலது பக்கமாக செல்லும் சாலை வழியாக சென்றால் கொற்றிகோடு வரும். அரை கிலோ மீட்டர் சென்றால் இடது பக்கத்தில் மீட் நினைவு C.S.I கொற்றிகோடு திருச்சபை காணப்படும் . அந்த சாலை பண்ணி பொத்தை வரை செல்லும் . குமாரபுரத்திலிருந்து நேராக அரை கிலோ மீட்டர் சென்றால் கொற்றிகோடு காவல் நிலையம் வரும்.

அழகிய மண்டபத்திலிருந்து வருபவர்கள் மேக்காமண்டபம் வந்து மேக்கா மண்டபம் சந்தை வழியாக செம்பருத்தி விளை வந்து முட்டைகாடு வர வேண்டும் . முட்டை காட்டிலிருந்து மேற் குறிப்பிட்டவாறு வர வேண்டும் .

மார்த்தாண்டத்திலிருந்து வருபவர்கள் அழகிய மண்டபம் வந்தும் வரலாம், இல்லை மேக்காமண்டபம் வந்தும் மேற் குறிப்பிட்ட வழியாக வரலாம். இல்லைஎன்றால் வேர்கிளம்பி வந்து மணலிக்கரை ,சித்திரங்கோடு வந்து அதிலிருந்து வலது பக்கமாக ஒரு கிலோ மீட்டர் வந்தால் குமாரபுரம் வரும்.

குலசேகரம் பகுதியிலிருந்து வருபவர்கள் தக்கலை சாலை வழியாக நேராக வந்தால் போதும் சித்திரங்கோடு வந்து அடுத்த பகுதி குமாரபுரம் வரும் . கொற்றிகோட்டிற்கு வருவதற்கு குமாரபுரம் ஒரு முக்கியமான சந்திப்பாக இருக்கிறது . அதிலிருந்து மேற் குறிப்பிட்ட வழியாக வரலாம் .

பேருந்துகள் விபரம் - இறங்கும் இடம் கொற்றிகோடு

நாகர் கோவில் -பெருஞ்சிலம்பு 13 J VFast

திருநெல்வேலி - பண்ணி பொத்தை SSS 888

தக்கலை - பெருஞ்சிலம்பு 13 J

குளச்சல் - பண்ணி பொத்தை 92

தக்கலை - வேளிமலை 13 J

மார்த்தாண்டம் - பெருஞ்சிலம்பு

சிற்றுந்து (மினி பஸ் ) இறங்கும் இடம் கொற்றிகோடு

அழகிய மண்டபம் - பெருஞ்சிலம்பு 15 நிமிடத்திற்கு ஒருமுறை

தக்கலை - பெருஞ்சிலம்பு 30 நிமிடத்திற்கு ஒரு முறை

குலசேகரம், திற்பரப்பு, பேச்சிப்பாறை, அருமனை செல்லும் பேருந்துகள் வழியாக வந்தால் கொற்றிகோடு காவல் நிலையம் அல்லது குமாரபுரத்தில் இறங்கி கொற்றிகொட்டில் செல்ல வேண்டிய இடங்களுக்கு செல்லலாம் .

உங்களுக்கு பயனுள்ளதாக இருக்கும் என நம்புகிறோம்